સૌ પ્રથમ એક ફ્રાય પેનમાં બે ચમચી તેલ ગરમ કરીને તેમાં ધીમી આંચે ચણાનો લોટ શેકો. સહેજ શેકાય અને સુગંધ આવે પછી ગેસ બંધ કરી તેમાં હળદર, ધાણાજીરું, મરી પાવડર, મીઠું તથા આમચૂર પાવડર ઉમેરી મિક્સ કરો. તેમાં ગરમ મસાલો પણ ઉમેરી શકાય છે. આ રીતે સ્ટફિંગ તૈયાર કરો.

બેબી કેપ્સિકમને ડીંટીને તેમાં તૈયાર કરેલુ સ્ટફિંગ ભરો. આ રીતે બધા જ કેપ્સિકમને સ્ટફ કરીને તૈયાર કરો.

ફ્રાય પેનમાં ત્રણ ચમચી તેલ ગરમ કરી તેમાં હીંગ ઉમેરી સ્ટફ કરેલા કેપ્સિકમ તેમાં ગોઠવો. ઢાંકણ ઢાંકીને ૫ મિનિટ માટે પકાવો.

ઢાંકણ ખોલીને નીચેથી ફ્રાય થાય એટલે ઉલટાવીને જો સ્ટફિંગ વધ્યુ હોય તો તે કેપ્સિકમની ઉપર ભભરાવો અને બીજી બાજુ ફ્રાય કરવા ઢાંકણ ઢાંકીને ૫ મિનિટ પકાવો. ત્યારબાદ ઉલટાવીને બે મિનિટ પકાવો.

કેપ્સિકમ ચઢી ગયા છે કે નહીં તે ચેક કરવા માટે તેની પર ચપ્પુ લગાવો જો સરળતાથી અંદર જતું રહે તો સમજવું સરસ રીતે ચઢી ગયા છે. પછી ગેસ બંધ કરો.