પેહલા બેબી કોર્ન, લીલા મરચા,લીલી ડુંગળીને એક shape માં કાપી કેવા. બેબી પોટેટો ને દરેકના બે કટકા કરી એક સીટી વાગે ત્યાં સુધી મીઠુ નાખી છાલ સાથે બાફી લેવા.સાથે કોથમરી, ગાજર પણ સમારી લેવા.

ત્યારબાદ બેબી કોર્ન અને બાફેલા પોટેટોને ક્રિસ્પી કરવા માટેની વિધી કરીશું, તેલ ગરમ કરવા રાખી. ત્યાં સુધીમાં બેબી કોર્નમાં એક ચમચી કોર્ન ફ્લોર, સ્વાદ અનુસાર મીઠું અને એક મોટી ચમચી મરી પાવડર નાખીશું.સાથે એક ચમચી પાણી નાખી મિક્સ કરીશું. સાથે મેં તેમાં થોડા ચીલી ફ્લૅક્સ પણ નાખ્યા છે વધારે તીખા બનાવા.એજ રીતે બેબી પોટેટોને પણ કોર્ન ફલોર વાળા કરી નાખવા.

ત્યારપછી ગોલ્ડન કલરના થાય ત્યાં સુધી તળી ને કિચન ટોવેલ પર કાઢી લેવા.

હવે આપણે આખરી પ્રોસેસ કરીશું જેમાં એક પેનમાં 2 ચમચી તેલ ગરમ કરીશું પછી તેમાં અડધી ચમચી જીરું ઉમેરી, બારીક સમારેલ લીમડાના પાન, લસણ, લીલા મરચા, લીલી ડુંગળી (પાન સાથે), થોડી કોથમીર, આદુ અને સ્વાદ અનુસાર થોડું મીઠું અને મરી પાવડર નાખી 1 મિનિટ સાંતળવું.

હવે તેમાં મસાલા ઘટ્ટ થાય તે માટે એક નાની ચમચી કોર્ન ફ્લોરમાં પાણી નાખી તે આ વઘાર માં ઉમેરવું. તે જરા ઘટ્ટ થાય ત્યારબાદ તેમાં તળેલા બેબી પોટેટો અને કોર્ન નાખી બરાબર મિક્ષ કરવું.

ચાલો ત્યારે આપણા તીખા તમતમતા ક્રિસ્પી બેબી પોટેટો કોર્ન ચીલી તૈયાર છે તેમાં લીલી ડુંગળી ના પાન અને કોથમીર નાખી એક પ્લેટમાં કાઢી મન પડે તેમ ગાર્નીશ કરો અને ગરમાગરમ પીરસો. મેં મારા માટે થોડા ક્રિસ્પી પેપર બેબી પોટેટો કાઢી લીધા છે મને એ એકલા પણ બહુ ભાવે. સાથે ગાજર મૂળાનું સલાડ અને પાઇનેપલ જ્યૂસ પણ પીરસ્યા છે. સ્વાદ અને દેખાવ બંને માં બહુ સારા બન્યા છે.