સૌપ્રથમ સાલસા બનાવવા માટે એક બાઉલમાં ડુંગળી અને ટામેટા ઝીણું સમારીને નાખો.તેમા મીઠું સ્વાદ પ્રમાણે, ચીલી ફ્લેક્સ ઓરેગાનો ઓલિવ ઓઈલ મરી પાઉડર અને ચાટ મસાલો,પીરી પીરી મસાલો નાખી બરાબર મિક્સ કરો અને બાજુ પર મૂકી દો.

સાર ક્રીમ બનાવવા માટે એક બાઉલમાં હંગકર્ડ લો અને તેમાં મીઠું,મરી પાઉડર અને લીંબુનો રસ નાખીને હલાવી લો તૈયાર છે સાર ક્રીમ..

રાજમા મસાલા બનાવવા માટે રાજમા ને ધોઈ ૭-૮ કલાક સુધી પલાળી રાખો પછી કૂકરમાં પાણી નાખી મીઠું નાખી ૬-૭ સીટી વગાડી બાફી લો.હવે એક કડાઈમાં તેલ ગરમ કરો તેમાં હીંગ ચપટી નાખી વાટેલા આદુ અને લસણ મરચાં ની પેસ્ટ ઉમેરવી પછી તેમાં ઝીણું સમારેલું ટમેટું અને ડુંગળી નાખી બરાબર મિક્સ કરો.મીઠુ નાખી ૪-૫ મિનિટ સુધી સાંતળો.હવે તેમાં ઉપર જણાવેલ બધા સુકાં મસાલા ઉમેરો અને બરાબર મિક્સ કરો.પછી તેમાં રાજમા નાખી બરાબર હલાવી લો.જરુર મુજબ પાણી ઉમેરવું અને ૫-૬ મીનીટ સુધી ચડવા દો.

મેક્સિકન રાઈસ બનાવવા માટે એક તપેલીમાં પાણી ગરમ કરવા મૂકો અને તેમાં મીઠું સ્વાદ પ્રમાણે નાખી ઉકળવા દો.પછી તેમાં બાસમતી ચોખા નાખો અને બાફી લો.ચારણી માં કાઢી લો.શાકભાજી સમારી લો.મકાઈ દાણા બાફી લો.

હવે એક કડાઈમાં ઓલિવ ઓઈલ ગરમ કરો તેમાં લસણ, ચીલી ફ્લેક્સ અને ડુંગળી નાખી હલાવી લો.બે થી ત્રણ મિનિટ સુધી સાંતળો પછી બાકીના બધા શાકભાજી ઉમેરીને બરાબર મિક્ષ કરી લો.મીઠુ અને મરી પાઉડર નાખી હલાવી લો.હવે તેમાં ટામેટા સોસ, મેક્સિકન સોસ નાખી બરાબર મિક્સ કરો.તેમા રાઈસ ઉમેરો અને બરાબર મિક્સ કરો.

તૈયાર છે આપણા મેક્સિકન રાઈસ...નાચોસ ચીપ્સ અને સાલસા,સાર ક્રીમ તૈયાર રાખો.

હવે એક મોટો કાચનો બાઉલ લો.પહેલા તેમાં મેક્સિકન રાઈસ નું લેયર કરો.પછી તેમાં રાજમા મસાલા ઉમેરો... પછી સોર ક્રીમ નાખી લો.પછી સાલસા નાખી લો.ફરી રાઈસ નું લેયર કરો ઉપર ચીઝ છીણી લો.નાચોસ ચીપ્સ નો ભૂકો કરી લો અને તેમાં નાખી દો.

તૈયાર છે આપણા બરીતો બાઉલ....

મેક્સિકન બરીતો બાઉલ તૈયાર છે....