સૌપ્રથમ એક તપેલીમાં બે ગ્લાસ પાણી ઉકાળવા મૂકો તેમાં મીઠું અને ચપટી હળદર નાખો. હવે તેમાં બેબીકોર્નને ધોઈ અને પાંચ મિનિટ માટે બાફી લો. ત્યારબાદ તેને ચાળણીમાં કાઢી અને પેપર નેપકીન પર કોરા કરવા મૂકી દેવા. હવે પનીર કેપ્સીકમ અને ડુંગળીના એક સરખા પીસ કરી લેવા. તેમાં સામગ્રીમાં દર્શાવ્યા પ્રમાણે તમામ મસાલા નાખી અને બરાબર મિક્સ કરી લેવું. ત્યારબાદ તેમાં લીંબુનો રસ નાખી ફરીથી મિક્સ કરો.

હવે સ્ટીકમાં આ કેપ્સીકમ, ડુંગળી, પનીર અને બેબી કોર્ન પરોવી દો. આ રીતે બધી જ સ્ટીક તૈયાર કરી લીધા પછી એક નોનસ્ટિક પેન ગેસ ઉપર મૂકી તેમાં બટર સ્પ્રેડ કરો. હવે તેમાં સ્ટીક સાથે બેબીકોન શેકી લો. બિલકુલ ધીમા તાપે શેકવા બળી ન જાય તેનું ધ્યાન રાખવું. બે થી ત્રણ મિનિટ સુધી ગેસ ઉપર સ્ટીક ફેરવતા જવું અને શેકવી. ત્યારબાદ તેને ટોમેટો કેચઅપ સાથે સર્વ કરો.