એક કડાઈમાં દૂધ ગરમ કરવા મૂકો. એક ઉભરો આવે એટલે ગેસ બંધ કરી લો. લીંબુ નો રસ કાઢી તેમાં પાણી ઉમેરી લો. આ મિશ્રણને ગરમ દૂધમાં ઉમેરીને બરાબર હલાવો જેથી દૂધ માં થી પનીર છુટું પડી જશે. હવે પનીર ને ગરણી માં કપડું મુકી ગાળી લો પછી તેને ૩ થી ૪ ગ્લાસ ઠંડા પાણીથી ધોઈ લો પછી તેને બાંધી ને પાણી નીતારી જાય ત્યાં સુધી રહેવા દો.

આ રીતે તૈયાર કરેલા પનીર ને મિક્ષ્ચર જાર માં લઇ એકદમ લીસું થાય ત્યાં સુધી ગ્રાઈન્ડ કરી લો. પછી તેમાં થી લખોટી જેવડા ગોળા બનાવી લો.

હવે એક પ્રેશર કુકર માં ખાંડ લઈ તેમાં પાણી ઉમેરી ખાંડ ઓગળે ત્યાં સુધી હલાવતા રહો. પછી તેમાં પનીર ના ગોળા ઉમેરી ઢાંકણ ઢાંકી ૨ થી ૩ વ્હીસલ કરી લો. કુકર ઠરે એટલે તેમાં થી રસગુલ્લા લઈ બીજી બનાવેલી ઠંડી ચાસણી માં ૨ થી ૩ કલાક સુધી રહેવા દો પછી ઠંડા સર્વ કરો.