સૌ પ્રથમ દહીં નું પાણી નીકળવા માટે ગરણી માં રાખી દો અથવા કપડાંમાં બાંધી લો. દૂધનું પનીર બનાવી પનીરને પણ નિતાર મૂકી દી.

રાગીને સ્પ્રાઉટ કરવા માટે દસથી બાર કલાક માટે પલાળી અને મલમલના કપડામાં બાંધીને બેથી ત્રણ દિવસ માટે સ્પ્રાઉટ કરવા મૂકો. ત્યારબાદ રાગીને બે દિવસ માટે તડકામાં સુકવી અને તેનો લોટ બનાવી લો.

પરાઠાના લોટ માટે રાગીનો લોટ, ઘઉંનો લોટ, તેલ સ્વાદ અનુસાર મીઠું અને તલ નાખી મિક્સ કરી પનીર બનાવતા જે પાણી વધ્યું છે તે પાણીથી લોટ બાંધી લો. લોટને ૧૦ થી ૧૫ મિનિટ માટે રાખી દો.

એક કડાઈમાં તેલ લઈ તેમાં જીરું અને હિંગનો વઘાર કરી ડુંગળી સાંતળો. ડુંગળી સંતળાઈ ગયા બાદ તેમાં સ્વાદાનુસાર મીઠું, ધાણાજીરું અને લીલી મરચીની નાખી મિક્સ કરો.. ડુંગળી સોતરાઇ જાય ત્યારબાદ તેમાં ચણાનો લોટ અને ગરમ મસાલો નાખી મિક્સ કરો હવે તેમાં પનીરનો ભુક્કો કરીને નાખો. મસાલો તૈયાર થઈ ગયો. આ મસાલો એકદમ ઠંડો થઈ જાય ત્યારબાદ તેમાં બાંધેલું દહીં નાખો.

તો તૈયાર છે ક્રિમી- કેલ્શિયમ રીચ મસાલો.

હવે લોટ ની અંદર સ્ટફિંગ ભરી પરાઠા બનાવી લો. પરાઠાને ધી - તેલ આ મિશ્રણમાંથી ધીમે તાપે ગોલ્ડન શેકી લો. તો તૈયાર છે પરાઠા. પરાઠાને મસાલા દહીં સાથે સર્વ કરો.