સૌપ્રથમ ઢોકળી બનાવવા માટે એક તપેલીમાં ૨ ચમચા તેલ મૂકી તેમાં લસણની પેસ્ટ નાખી ઢોકળી બનાવી હોય એ પ્રમાણમાં પાણી નાખો, પછી તેમાં મીઠું ઉમેરો ત્યારબાદ પાણી ઊકલે એટલે તેમાં ચણાનો લોટ ઉમેરો. સતત હલાવતા રહેવું લોટ તપેલી છોડવાનું ચાલુ કરી દે એટલે તેને થાળીમાં ઢાળી દેવું, ત્યારબાદ થાળીમાં લોટ દબાવી સાવ પાતળી ઢોકડી કરવી.

ઢોકળીના વઘાર માટે એક તપેલી લો તેમાં ચાર ચમચા તેલ મૂકી રાય, જીરુ, હિંગ,લીમડો,સૂકા મરચાં નાખી વઘાર કરો.વઘાર આવી જાય એટલે તેમાં ઝીણી સમારેલી ડુંગળી ઉમેરો. ડુંગળી સંતળાઈ જાય પછી તેમાં દહીં ઉમેરો ત્યારબાદ છાશ ઉમેરો.

છાસ નાખ્યા પછી છાશ ઉકળે એટલે તેમાં બધા મસાલા કરો. મીઠું,મરચું, ધાણાજીરુ, હળદર, ગરમ મસાલો, લીંબુનો રસ નાખો. મસાલા ના માપ મે ઉપર આપેલા છે. બધા મસાલા ચડી જાય અને છાશ એકદમ ઉકળવા લાગે એટલે તેમાં ચણાના લોટની કરેલી ઢોકળી છૂટી છૂટી નાખતા જાવ એકદમ ઘટ્ટ થઈ જાય એટલે તૈયાર છે, ઢોકળી નું શાક......