સૌથી પહેલાં વાલોળ પાપડી ને ધોઈ સમારી દાણા કાઢી લો.

હવે એક બાઉલ માં લોટ લઈ તેલનું મોણ નાખી મીઠું, મરચું, હળદર, વાટેલો અજમો, જીરૂ નાખી મિક્સ કરી જરૂર મુજબ પાણી નાખી કણક બાંધી તેલ થી કેળવી બાજુ પર રાખો.

એક પેન માં તેલ નો વઘાર કરી તેમાં અજમો નાખો. હવે તેમાં હીંગ નાખી સુકા મરચા નાખી આદુ મરચાં નાખી સાંતળો.

હવે તેમાં વાલોળ પાપડી નાખી તેમાં સ્વાદ મુજબ મીઠું, મરચું, હળદર, ધાણાજીરૂ નાખી મિક્સ કરો.

હવે તેમાં પ્રમાણસર પાણી નાખી ઉકળવા દો. પછી તેમાં ખાંડ, સમારેલા ટામેટા નાખી ધીમા તાપે થવા દો.

હવે ઢોકળી ના લોટ માંથી લૂઓ લઈ પાતળો રોટલો વણી તેને શક્કરપારા ની જેમ નાના ટુકડા માં કાપી લો.

તૈયાર ટુકડા ને ઉકળતા વાલોળ ના મિશ્રણ માં ધીરે ધીરે નાખી હલાવતા રહો જેથી એક બીજા સાથે ચોંટી ના જાય.

ઢોકળી ને ધીમા તાપે ગરમ કરો. હલાવતા રહેવું.

રસો જાડો થાય અને ઢોકળી ચડી જાય એટલે તેમાં કોથમીર, તથા લીંબુ નો રસ નાખી મિક્સ કરો.

આજ રીતે તમે ગવારસીગ, લીલી તુવેર, સુકી તુવેર માં પણ બનાવી શકાય.