સૌ પ્રથમ એક બાઉલ માં ખાંડ ને ૧૫ થી ૨૦ મિનીટ પહેલા પલાળી દેવી.

ત્યાર બાદ એક વાસણ માં મેંદો, રવો, તેલ અને મલાઈ નાખી મિકસ કરવું.

ખાંડ પલળી જાય એટલે તે પાણી ને ગાળી લેવું જેથી તેમાં કચરા ન રહે. ત્યાર બાદ આ ખાંડ ના પાણી ને લોટ માં ધીમે ધીમે નાખતા જવું અને લોટ બાંધતા જવું. લોટ બહુ નરમ કે બહુ કઠણ ના રાખવો. મિડિયમ બાંધવો. જેથી સકકરપારા સહેલાઈથી વણી શકાય. લોટ બાંધી ને ૧૦ મિનીટ રાખી દેવો જેથી કેમ સરસ આવી જાય. ત્યાર બાદ લોટ ના મોટા લૂવા કરી તેને પાટલા પર મોટી સાઈઝ માં વણી લેવા.

મિડિયમ થર રાખવું. પછી તેને ચપ્પુ વડે નાના નાના ચોરસ આકાર માં કાપવા. હવે એક કળાઈ માં તેલ ગરમ મૂકવું. તેલ થઈ જાય એટલે વણેલા સકકરપારા તેમાં નાખવા. ગેસ ની આંચ મિડિયમ રાખવી. એક સાઈડ ફૂલી ને ઉપર આવે પછી જ બીજી સાઈડ ફેરવવી. ગોલ્ડન કલર થાય એટલે કાઢી લેવા.