સૌપ્રથમ કડાઈમાં ૧ ચમચી ઘી મૂકવું પછી તેમાં રવો નાખી બે-ત્રણ મિનિટ માટે શેકી લેવો. તેમાં થોડું થોડું દૂધ ઉમેરી હલાવતા જવું. તેમાં એક ચમચી ખાંડ ઉમેરવી.

બધુ દૂધઉમેરાઈ જાય પછી એકદમ હલાવી નીચે ઉતારી લેવું અને ડીશ મા ઠરવા માટે મૂકવું. ગેસ ઉપર એક વાસણમાં પાણી ગરમ કરવા મુકવુ. પાણી ગરમ થાય એટલે તેમાં ખાંડ ઉમેરવી. અને તેની ચાસણી બનાવવી. ચાસણી બહુ કડક ન થાય તેનું ધ્યાન રાખવું. ઠરી ગયેલા સોજીના માવાને ખૂબ મસળીને નાના ગોળા તૈયાર કરવા. માવામાં ઈલાયચી વાટીને નાખવી.

કડાઈમાં ધીમા ગેસ ઉપર ઘી ગરમ કરવા મૂકવું. ઘી ગરમ થયા બાદ તેમાં ગોળા તળવા ખૂબ જ ધીમા ગેસ પર તળવા. વચ્ચે-વચ્ચે હલાવતા રહેવું. ગોલ્ડન બ્રાઉન થાય પછી કડાઈમાં થી બહાર કાઢી લેવા. તૈયાર થયેલા ગોળાને ખાંડની ચાસણીમાં ડૂબાડી દેવા. બે મિનિટ માટે ગેસ ઉપર મૂકો ઉકળવા દેવું.