જય શ્રી કૃષ્ણ મિત્રો અત્યારે ગરમી ની સીઝન છે અને લોકડાઉન ચાલી રહ્યું છે તો આપણે ગરમીમાં ઠંડુ ખાવાનું મન થતું હોય છે તો ચાલો આપણે ઘરે જ શ્રીખંડ બનાવીશું.સૌ પ્રથમ 1/2 લીટર દૂધ નું મેં દહીં જમાવી લીધુ છે.હવે આપણે એક આછું કોટનનું કપડું લઈ એક તપેલી ઉપર ભાત ઓસાવાનો ચારણઓ લઈ તેના ઉપર કપડું રાખી તેમાં બધું દહીં કાઢીને તેમાંથી બધું પાણી નિતોરી લેવાનું.હવે તેની પોટલી વારી ચારના મા જ રાખીને 1 કલાક ફ્રીઝ માં મૂકી દેવું જેથી શ્રીખંડ બનાવવા માટે મસ્કો તૈયાર થઇજાય.

તમારી પાસે વધુ ટાઈમ હોય તો વધારે વાર ફ્રીઝ માં રેવા દેવું જેથી મસ્કો એકદમ મસ્ત તૈયાર થઈ જાય. હવે તમે મસ્કાને એક તપેલી માં લઇ તેમાં 4 થી 5 ચમચી જેટલી દળેલી ખાંડ પાવડર નાખીને તેને 5 મિનિટ સુધી એકદમ મિક્ષ કરવું. હવે તેમાં કેસર અને કાજુ બદામ ની કતરણ નાખી બરાબર મિક્ષ કરી લેવું. તો તૈયાર છે આપણું એકદમ માર્કેટ જેવું જ શ્રીખંડ.