સૌ પ્રથમ એક મોટી કઢાઇમાં ૨૦૦ ગ્રામ તેલ ગરમ કરવા મુકો તેલ ગરમ થાય એટલે તેમાં હીંગ નાખી હલાવો અને હળદર નાખો ત્યારબાદ મેથી ના કુરીયા નાખો અને સાતળો સુગંધ આવે ત્યારે રાઈનાં કુરીયા નાખો અને સરસ હલાવી ને ગેસ બંધ કરી દો સહેજ ઠંડું પડે એટલે તેમાં મીઠું અને મરચું નાખી હલાવી લો અને બંધ કરી બાજુ પર રાખી દો

બે કેરી જે રાખેલ હતી તેને ખમણી નાખવી અને તેમાં મીઠું અને હળદર નાખી હલાવી ને નીચોવી લેવું અને તેને પણ તડકે મુકવું

ગુંદા ને ચોખ્ખા ધોઈ તેને એક વાસણમાં પાણી મુકી તેની ઉપર ચારણી મુકી ગુંદા ને બાફવા મુકવા અને ગુંદા નો કલર બદલાય એટલે ગેસ બંધ કરી પાંચ મિનિટ માટે બંધ કરી રાખી દેવું પાંચ મિનિટ બાદ એક ચારણીમાં કાઢી પાણી નિતારી લેવું

ગુંદા ઠંડા પડે એટલે તેમાંથી બીયાં કાઢી લેવા

ત્યાં સુધી માં કેરીના કટકા અને છીણ બંન્ને કોરા પડી ગયા હશે એટલે તે ઘરમાં લઈ એક સ્વચ્છ બરણી લઈને અથાણું ભરવા બેસવું

હવે મસાલા માં કેરી નું છીણ ભેળવી બરણી માં પહેલાં પાથરવું ત્યારબાદ ગુંદા માં એ મસાલો ભરવો અને તેનું એક થર કરવું પછી કેરી ના કટકા મસાલા માં મીક્ષ કરી તેને થર કરવો પછી થોડો મસાલા નો થર કરવો આમ એક પછી એક થર કરી અથાણું ભરી લેવું

બે દિવસ બાદ ૭૫૦ ગ્રામ તેલ ગરમ કરવા માટે મુકો તેલ ગરમ થઈ જાય એટલે ગેસ બંધ કરી તેલને ઠંડું પડવા દો અને પછી તેલ બરણી માં નાખી દો

મેં અહીં ગુંદા ને બાફીને બનાવેલ છે જો તમારે કાચા ગુંદા નું બનાવવું હોય તો ગુંદા બાફવા ને બદલે સીધા ઠળિયા કાઢી ભરી શકાય