સૌપ્રથમ કૂકરમાં ૧ વાટકી દાળ પલાળો. અડધી કલાક પછી દાળ બાફવા મૂકો દાળ બફાઈ જાય ત્યાં સુધી લોટ બાંધી લો.ઘઉંના લોટમાં હળદર, મરચું હિંગ,તેલનું મોણ એક ચમચો નાખી જરૂર મુજબ પાણી ઉમેરી લોટ બાંધો. હવે દાળ બફાઇ ગઇ હશે ગેસ બંધ કરો લોટમાંથી લુઆ લય મોટા મોટા થેપલાં વણો.

દાળને બ્લેન્ડર થી બ્લેન્ડ કરી ઉકળવા મૂકો તેમાં હળદર, મરચું,નમક,ગોળ,લીમડા ના પાન, આદુ નું ખમણ, લીલાંમરચાં, સીંગદાણા ઉમેરો. દાળ ઉકાળી ત્યાં સુધી પેલા થેપલા છે તે પાટલા પર લઈ સકરપારા ની જેમ આડા ઊભા કાપા પાડો. દાળ ઉકલેછે.હવે તેમાં એક એક થેપલા ના સકરપારા ઉમેરતા જાવ. આવી રીતે બધા થેપલા ના સકરપારા ઉમેરી દો. હલાવતા રહેવું જેથી બધી ઢોકળી ચોંટી ન જાય.

5મિનિટ પછી બીજા ગેસ પર તેલ ગરમ કરી તેમાં રાઈ,જીરું,લીમડાના પાન, સૂકું મરચું,તજ,લવિંગ, તમાલપત્ર,બાદિયાનુફૂલ ઉમેરો. વઘાર થઈ જાય એટલે તેમાં હિંગ ઉમેરો અને ઉકાળેલી દાળઢોકળી ઉમેરો.3 મિનિટ પછી ગેસ બંધ કરો હવે લીંબુ નો રસ ઉમેરો.એક બાઉલ માં લઇ તેમાં કોથમીર ભભરાવી સર્વ કરો સાથે કાકડી ની સ્લાઈસ, ટામેટા ની સ્લાઈસ, ડુંગળી ની સ્લાઈસ સર્વ કરો.