પડ માટે : સૌપ્રથમ મેંદાના લોટમાં મીઠું, અજમો,તેલ,ઘી બંને ગરમ કરીને મુઠ્ઠી પડતું મોણ નાખવું.પાણીથી લોટ બાંધવો, પરોઠાના લોટ કરતા સહેજ વધારે કઠણ રાખવો.ઢાંકીને. મૂકી દેવો.

સ્ટફિંગ માટે : બાફેલા બટેટા મા મરચા,આદુ અને કોથમીર ની પેસ્ટ નાખવી,મીઠું સ્વાદ મુજબ, આખા ધાણા,કાચી વરિયાળી,મરચું,ગરમ મસાલો,હળદર બધા મસાલા ઉમેરવા.

બટેટા ૨ થી ૩ કલાક પહેલા બાફી લેવા,જેથી મસાલો એકદમ સુકો થઈ જાય,તેમાં બધા મસાલા સ્વાદ મુજબ ઉમેરી સ્ટફિંગ બનાવવું.

જે લોટ બાંધેલો છે, તેમાંથી પૂરી વણવી,વચેથી કટ કરી એક ભાગ હાથમાં લઈ ફોટામાં બતાવેલ છે, એ પ્રમાણે વાળવો,અંદર મસાલો ભરી કિનારી પેક કરતી જવું.

તેલ એકદમ ગરમ થવા દેવાનું નથી,સાવ ગેસની આંચ ધીમી રાખીને જ સમોસા તળવાના છે.એકદમ ક્રિસ્પી થઈ જાય પછી બહાર કાઢી લેવા,તમે સમોસા ના પીસ કરી ઉપર લીલી,લસણની,અને મીઠી ચટણી,સેવ,ડુંગળી નાખી મસ્ત ચાટ બનાવી શકો છો, જે ખૂબ જ સ્વાદિષ્ટ લાગે છે......

ખાસ ધ્યાનમાં રાખવા જેવી બાબતો:૧.લોટમાં મુઠ્ઠી પડતું મોણ નાખશો તો જ પડ સરસ ક્રિસ્પી થશે.૨.ખાસ સમોસા તળવામાં ધ્યાન રાખવાનું છે.૩.તેલ એકદમ ગરમ થઇ ગયેલ ન હોવું જોઈએ,ગેસની આંચ ધીમી,રાખી ધીરજથી સમોસા તળવાના છે, તો જ સમોસા અમુક કલાક પછી પણ ક્રિસ્પી રહેશે.આ ૨ થી ૩ બાબત ધ્યાનમાં રાખવાથી સમોસા ખૂબ જ સરસ બનશે.....