પુવઁ તૈયારી:- સૌ પ્રથમ કાંદા ને ઊભા સમારી પારદર્શક થાય તેવા તળી લો. હવે ઠંડા પડે પછી પેસ્ટ બનાવી લો.તેમજ બટાકા, ફલાવર, પનીર ને પણ તળી લો.વટાણા, ગાજર,ફણસી ને કાચા રાખવા.

હવે એક પેન માં તેલ લો ગરમ થાય એટલે તેમાં જીરું,આખા મરચાં, તેમજ ખડા મસાલા નાંખો. તેમજ આદુ-લસણ ની પેસ્ટ નાંખી મિક્ષ કરો.

હવે હળદર, ઘાણાજીરું, ગરમમસાલો,મરચું,કસુરી મેથી,કાશ્મીરી લાલ મરચું,મીઠું નાંખી મિક્ષ કરો. તેમજ તેલ છુટ્ટું પડે ત્યાં સુધી થવા દો.હવે કાંદા ની પ્યુરી નાંખો.

હવે મિક્ષ કરી કાચા શાકભાજી(વટાણા,ગાજર,ફણસી)નાંખી મિક્ષ કરો. ૩-૪ મિનિટ થવા દો જેથી શાકભાજી સરસ ચડી જાય.

હવે તળેલા શાકભાજી(બટાકા,ફલાવર,પનીર) નાંખી મિક્ષ કરો. ૪-૫ મિનિટ થવા દો. કોથમીર નાંખી ગરમગરમ પરાઠા, રોટલી, કે નાન સાથે સવઁ કરો.