એક વાસણમાં ચણાનો લોટ લેવો. એમાં છાશ ઉમેરી બરાબર મિક્સ કરવું. ગઠ્ઠા વગરનું મિશ્રણ તૈયાર કરવું. વ્હિસ્ક ની મદદથી બહુ સરળતાથી આ મિશ્રણ તૈયાર થઈ શકે છે. હવે આદુ મરચાની પેસ્ટ અને હળદર ઉમેરવી. મીઠું ઉમેરીને બરાબર હલાવવું.

હવે આ મિશ્રણને એક જાડા તળિયાવાળા વાસણમાં લઈ લેવું. ગેસ ચાલુ કરી મીડીયમ તાપ પર રાખી સતત હલાવતા રહેવું. જાડું થઈ જાય ત્યાં સુધી હલાવતા રહેવું. ધ્યાન રાખવું કે આ મિશ્રણમાં કોઈપણ ગઠ્ઠા ના પડે. આ મિશ્રણ એકદમ મુલાયમ હોવું જોઈએ.

ખાંડનું મિશ્રણ તૈયાર છે કે નહીં એ જોવા માટે એક સ્ટીલ ની થાળી પર થોડું પાથરી લેવું. એને થોડીવાર ઠંડુ થવા દેવું. પછી હાથથી ઉખાડીને જોવું. તો સરળતાથી ઉખડી જાય તો આપણું મિશ્રણ તૈયાર છે.

હવે ત્રણ થાળી પર આગળ પાછળ તેલ લગાવી લેવું. રસોડાનું પ્લેટફોર્મ સાફ કરી ને એના પર પણ પાથરી શકાય. હવે થોડું મિશ્રણ લઇ એને ઝડપથી પાતળું પાથરવું. આ રીતે બધું મિશ્રણ ઝડપ થી પૂરુ કરવું. વધારે સમય જવાથી એ જાડું થઈ જાય છે પછી પાથરવામાં મુશ્કેલી પડે છે અને ખાંડવી સારી નથી બનતી.

હવે છરી ની મદદ થી કાપા પાડી લેવા. હવે દરેક પટ્ટી ને ઉપરથી નીચે તરફ રોલ વાળતા જવું. આ રીતે બધા રોલવાળી ને એક થાળીમાં મૂકી દેવા.

વગર તૈયાર કરવા માટે તેલ ગરમ કરવું. એમાં રાઈ નાખવી. રાઈ ફૂટે એટલે હિંગ નાંખવી. ગેસ બંધ કરી દેવો. આ વઘારને ખાંડવી પર રેડવો. ઉપર લીલા ધાણા છાંટવા. ખાંડવી તૈયાર છે પીરસવા માટે.