સૌ પ્રથમ એક વાસણ મા સાબુદાણા લઈ તેને 3-4 વખત પાણી થી ધોઈ ને તેમાં પાણી ઉમેરી ને 4-5 કલાક પલાળી ને રાખો.

હવે સાબુદાણા ને નિતારી ને કોરા કપડા માં કાઢી લો. જેથી પાણી શોષાઈ જાય.

શીંગદાણા ને અધકચરા પીસી લો. મરચા બારીક સમારી લો.

ત્યારબાદ એક વાસણ મા સાબુદાણા, બાફેલા બટાકા, જીરું, મીઠું, સમારેલ મરચા, સમારેલી કોથમીર, પીસેલા શીંગદાણા અને લીંબુ નો રસ ઉમેરો. બધુ બરાબર મિક્સ કરી લો.

હવે મિશ્રણ માંથી નાના નાના ગોળા બનાવી લો. ગોળા ને હથેળી માં દબાવી ને ચપટા કરી વચ્ચે આંગળી થી જગ્યા કરી ને મેંદુવડા જેવો આકાર આપી ને સાબુદાણા વડા તૈયાર કરો.

ગરમ તેલ માં તળવા મૂકો. મધ્યમ તાપે બંને બાજુ ગોલ્ડન થાય અને કરકરા થાય એવા તળી લો. આવી રીતે બધા સાબુદાણા વડા તળી ને કિચન ટાવેલ પર કાઢી લો. જેથી વધારાનું તેલ શોષાઈ જાય.

તૈયાર છે સ્વાદિષ્ટ એની ઝડપ થી બની જાય એવા સાબુદાણા વડા.