પહેલા મેથીની ભાજી સાફ કરી ત્રણ ચાર વખત પાણીથી ધોઈને લેવી પછી સમારી લેવી. લોટ ને પહેલા ચાળી લેવા.કાથરોટ મા તેલ અને બધા મસાલા મીક્ષ કરવા.તેમાં સમારેલી ભાજી મીક્ષ કરી લેવી.

હવે તેમાં ત્રણેય લોટ મીક્ષ કરી લેવા.મીક્ષ થઈ જાય એટલે પાણી થી લોટ બાંધવો. લોટ બંધાઈ જાય એટલે તેલથી કુણી લેવો. પંદર મીનીટ ઢાંકી ને મુકી દેવો.હવે લોટ માંથી લુવા કરી લેવાં.

હવે થેપલા વણી લેવા. ગેસ ચાલુ કરી ગેસ ઉપર લોઢી મુકી લોઢી ગરમ થાય એટલે તેમાં થેપલુ નાખી દો. એક બાજુ શેકાઈ પછી ઉલટાવી ને બીજી શેકો. જરુર પ્રમાણે તેલ મુકી બંને બાજુ શેકી લો.

આવી રીતે બધા થેપલા શેકી ને તૈયાર કરી લેવા.તો તૈયાર છે ગરમાગરમ થેપલા. બાળકો થી લઈ ને વડીલો સુધી બધા ના ફેવરીટ એવા થેપલા તૈયાર છે.તો તૈયાર છે થેપલા. ચા સાથે થેપલા, દહીં સાથે થેપલા, સુકી ભાજી સાથે પણ થેપલા અને અથાણું ને થેપલા તો તૈયાર છે ગરમાગરમ થેપલા.

છઠ ને દિવસે બનાવી ને સાતમ ને દિવસે ઠંડા ખાવા ની બહુ મજા આવે છે. તમે બધાં પણ થેપલા બનાવજો.