બધા ઘટકો ઉપર દર્શાવ્યા માપ અનુસાર ઉપયોગ કરવા. સૌ પ્રથમ એક બાઉલ માં ગોળ, તાજુ દહીં, તેલ અને વેનીલા અસેન્સ લેવું. આ બધું વ્હિસ્ક કરી ને મિક્સ કરવું.

ત્યારબાદ એ જ બાઉલ માં ઘઉં નો લોટ, બેકીંગ પાઉડર, બેકીંગ સોડા, કોકો પાઉડર આ બધું એક ઝીણી ગારની ની મદદ થી છાણી લેવું. બધું એકસરખું મિક્સ કરી લેવું. એમાં થોડું થોડું દૂધ ઉમેરતા જવું અને ફરીથી મિક્સ કરવું અને કેક નું સ્મૂધ બેટર બનાવવું.

ત્યારબાદ ઈડલી મેકર લઇ તેમાં સ્ટીમ થવા માટે જોઈએ એટલું પાણી ઉમેરી ને ૨ મિનિટ સુધી ગેસ પર ઉકળવા મૂકી દેવું. ત્યારબાદ ઈડલી મોલ્ડ લઇ તેલ થી બ્રશ કરવું અને કેક નું બેટર ઈડલી બનાવીએ એ રીતે ભરવું. એના ઉપર બદામ ના ટુકડા અને ચોકલેટ ચિપ્સ ઉમેરો.

ઈડલી મેકર માં પાણી ઉકળી ગયા બાદ કેક નું ઈડલી મોલ્ડ એની અંદર મૂકી ઢાંકી ને ૧૫ મિનિટ સુધી ધીમી ગતિએ ગેસ પર સ્ટીમ થવા દેવું. ૧૫ મિનિટ પછી છરી અથવા તુથપીક ની સહાય થી ઈડલી કેક ચકાસવી અંદર નાખી ને. અગર બાર ક્લીન આવે તો સમજવું કેક થઈ ગઈ છે.