ઈડલી નું ખીરું બનાવવા માટે સૌપ્રથમ ફોટા માં બતાવ્યા પ્રમાણે વાટકી ના માપથી ૩ વાટકી ચોખા અને એક વાટકી અડદની દાળ લેવા બંનેને ત્રણ-ચાર વખત પાણીથી ધોઈ ઓવર નાઈટ પલાળી રાખવા સવારે તેનું પાણી નિતારી લેવું

પછી તેને મિક્સરમાં દહીં અથવા છાશ નાખીને ક્રશ કરી તેનું ખીરું તૈયાર કરવું ખીરાને ઢાંકીને સાત ૮કલાક માટે મૂકી દેવું જેથી આથો આવી જાય

સાત આઠ કલાક પછી ખીરામાં મીઠું હિંગ સાજીના ફૂલ નાખી ને ખૂબ ફીણવુ ઢોકળીયા ને ગરમ કરવા માટે મૂકી દેવું

ઈડલી સ્ટેન્ડ તેલથી ગ્રીસ કરવું બધા ખાનામાં તૈયાર કરેલું ખીરું ભરી દેવું તેને ઢોકળીયામાં મૂકી દેવું પંદર-વીસ મિનીટ પછી ચેક કરી લેવું ઈડલી તૈયાર થઈ જશે

બાફેલી દાળને ઉકળવા મૂકવી તેમાં કટકો આંબલી હળદર લાલ મરચું પાઉડર મીઠું ધાણાજીરું લીંબૂ અને ખાંડ લીલા મરચાં અને લીમડાના પાન નાખી ઉકળવા દેવી

એક પેનમાં તેલ મૂકી તેમાં રાઈ-જીરું હિંગ લીમડાના પાનનો વઘાર કરવો ત્યાર પછી તેમાં ઝીણી સમારેલી ડુંગળી સાંતળવી ત્યાર પછી ટમેટું સાંતળવું ત્યાર પછી બાફેલા બટેટા અને દૂધી નાખી દેવા બધુ બરાબર સંતળાવા દેવું ત્યાર પછી આ વઘારને ઉકળતી દાળ માં નાખી દેવો

છેલ્લે સાંભાર મસાલો નાખવો અને કોથમરી નાખવી સાંભાર તૈયાર છે

ઈડલી ને પ્લેટ માં લઈ સાંભાર તથા ચટણી સાથે સર્વ કરવી