સૌપ્રથમ ઇડલી નું ખીરું બનાવવા માટે ચોખા અને અડદની દાળ ૭,૮ કલાક પલાળી રાખવી અને પછી તેને સહેજ કરકરું પીસી લેવું. ઇડલી બનાવતી વખતે તેમાં મીઠું અને ચપટી ખાવાનો સોડા નાખવો બધું બરાબર મિક્સ કરી

ત્યારબાદ તેને ૧૦મિનિટ સ્ટિમ કરવું અને ઉપર મરી પાઉડર ભભરાવો.

સાંભાર બનાવવા માટે બધી દાળ ને કૂકર માં નાખી તેમાં મીઠું અને ૨ ટામેટાં એડ કરવા અને ૫,૬ સીટી સુધી બાફવા દેવું. ત્યારબાદ તેને બ્લેન્ડર કરી દેવું. એક પેન મા ૧ ટેબલસ્પૂન તેલ નાખી તેમાં લાલ સૂકું મરચું,તજ,લવિંગ,જીરું,હિંગ નાખી તેમાં ઝીણી સમારેલ ડુંગળી,લસણ અને તમને પસંદ શાકભાજી નાખી શકો છો. ત્યારબાદ તેમાં દાળ એડ કરી દેવી અને તેમાં મરચું પાઉડર અને હળદળ નાખી દેવી. દાળ ઉકળી જાય એટલે તેમાં સાંભાર મસાલો એડ કરી દેવો.

નારિયેળ ની ચટણી બનાવવા માટે અડધો કપ ચણા ની દાળ પલાળી દેવી. ત્યાર બાદ મિકસર માં ઝીણું નારિયેળ ૨ મરચા, મીઠું સ્વાદાનુસાર અને ચણાદાળ નાખી થોડું પાણી એડ કરી ચટણી બનાવી લેવી.ત્યારબાદ ગરમ તેલ માં લીમડો રાઈ જીરું નો વઘાર કરી આ ચટણી પર નાખી દેવો અને મિક્સ કરી લેવું.

લાલ ચટણી બનાવવા માટે એક પેન માં તેલ,રાઈ,જીરું, હિંગ અને અડધો કપ ચણાની દાળ, મોટા સમારેલા ટામેટા,મોટી સમારેલી ડુંગળી,આખી લસણ ની કળી,મરચા એડ કરી પાકવા દેવું. ત્યારબાદ તેમાં 2 ચમચી ચટણી, સ્વાદાનુસાર મીઠું, 1/2 લીંબુ, 1/2ચમચી ગરમ મસાલો નાખી પાકવા દેવું. તેને ૧૦મિનિટ ધીમા તાપે પકવવું. ઠંડુ થાય એટલે તેની ચટણી બનાવી લેવી.