મેંદા ને ચાળી મોટી થાળી માં લો. હવે, મીઠું, મરી નો ભૂકો, જીરા નો ભૂકો, હિંગ,તેલ ઉમેરો.. હાથ થી સરસ મસળો. ધીમે ધીમે પાણી ઉમેરતા જાઓ અને કઠણ લોટ બાંધો. મેંદા ના લોટ ને કઠણ બાંધવો થોડો ટ્રીકી છે કેમ કે એ તરત જ ઢીલો પડી જાય છે.

લોટ ને સરસ મસળી ને 20 થી 25 મિનિટ માટે ઢાંકી ને રાખી લો. લોટ ને આમ આરામ આપવા થી પૂરી વધારે સારી બનશે અને મસાલા ની બધી ફ્લેવર સરસ મિક્સ થશે. લોટ માંથી એકસરખા લુવા બનાવી લો.

પાટલા પર પૂરી ને વણો. બહુ જાડી પણ નહીં અને પાતળી પણ નહીં. વણી ને ફોર્ક થી કાના પાડો. આપ ચાહો તો નખ થી પણ કાણાં પાડી શકો. આમ કરવા થી પૂરી ફુલશે નહીં અને સરસ કડક થશે. પૂરી ને વણી ને થાળી માં પથરતા જાઓ.

પૂરી ને બહુ વધારે કે.ઓછી આંચ પર તળવા થી કાચી રહેશે નહી તો તેલ વધુ ચૂસશે.. મધ્યમ આંચ પર એકદમ perfect કડક અને ખસ્તા બનશે... પૂરી ગુલાબી રંગ ની થાય ત્યાં સુધી તળો. વચ્ચે પૂરી ને ઉથલાવતી રહેવી..

એકદમ ઠરે એટલે એર ટાઈટ ડબ્બા માં ભરો. આ પૂરી મહિના સુધી નહીં બગડે. ચા સાથે કે સાંજ ના નાસ્તા માં પીરસો..