(1) થેપલા બનાવવા માટે: એક કથરોટમાં ઘઉંનો લોટ લઈ, તેમાં મરચું, હળદર, ધાણાજીરૂ, હિંગ અને નમક ઉમેરી બધુ બરાબર મિક્સ કરો. ત્યારબાદ તેલનું મોણ નાખી, પાણી વડે લોટ બાંધો.8-10 મિનિટ બાદ તેલ વડે કોણવી, તેમાંથી ગોળ લૂઆ લઇ થેપલાં વણો. વણેલા થેપલાં અને નોન સ્ટીક તવી ઉપર તેલ વડે બંને બાજુ શેકી લો. તો તૈયાર છે ગુજરાતી થેપલા.

(2) સુકી ભાજી બનાવવા માટે: બાફેલ બટેટાની છાલ ઉતારી તેના ટુકડા કરી લો. 1 કડાઈમાં તેલ ગરમ મૂકી, તેમાં જીરુ, લીમડાના પાન, સમારેલ લીલું મરચું ઉમેરી બટેકા વઘારી લો. બરાબર હલાવી લઈ તેમાં લાલ મરચું પાઉડર, હળદર, ધાણાજીરૂ, ગરમ મસાલો, ખાંડ અને સ્વાદ અનુસાર નમક ઉમેરી બધું બરાબર મિક્સ કરો.3-4 મિનિટ ધીમા તાપે થવા દો. તૈયાર થયેલ સુકીભાજી માં લીંબૂનો રસ અને સમારેલી કોથમીર ઉમેરી સર્વ કરો. તો તૈયાર છે બટાકા ની સુકી ભાજી.

(3) ફાફડા બનાવવા માટે: 1 કથરોટમાં બેસન ચાળી લઇ, તેમાં અજમા, હિંગ તેમજ સ્વાદ અનુસાર નમક ઉમેરી, પાણી થી લોટ બાંધો.3-4 મિનિટ બાદ તેલ વાળા હાથ કરી લોટ કુણવી લો. ત્યારબાદ તેમાંથી ગોળ લુઆ લઇ, રોટલી જેવડા વણી લો. તૈયાર થયેલા ફાફડા ને ગરમ તેલમાં ધીમા તાપે તળી લો. તો તૈયાર છે ગુજરાતી ફાફડા.

(4) ફરસી પૂરી બનાવવા માટે: 1 કથરોટમાં મેંદો ચાળી લઈ, તેમાં રવો, જીરુ પાઉડર, નમક, હિંગ, મરી પાઉડર તેમજ તેલ-ઘીનું મુઠ્ઠી પડતું મોણ ઉમેરી, બધુ બરાબર મિક્સ કરી પાણીથી લોટ બાંધવો.8-10 મિનિટ પછી તેલ વાળા હાથ કરી લોટ કુણવી લો. હવે તેમાંથી પૂરી ના ગોળ લુઆ લઈ, પૂરી વણો. તૈયાર થયેલ દરેક પૂરી પર ચપ્પુ વડે કાપા પાડી, તેલમાં ધીમા તાપે ગોલ્ડન બ્રાઉન તળી લો. તો તૈયાર છે મેંદાની ફરસી પૂરી.

(5) ઘઉં ની મીઠી પૂરી બનાવવા માટે: એક કથરોટમાં ઘઉંનો લોટ લઈ, તેમાં મોણ તેમજ તલ ઉમેરી બરાબર મિક્સ કરો. ત્યારબાદ ગોળ માં પાણી ઉમેરી, ગોળ ને ઓગાળી તે પાણી વડે લોટ બાંધી લો.4-5 મિનિટ બાદ તેલવાળા કરી, લોટ કુણવી લો. તેમાંથી લૂઆ લઇ, પૂરી વણી, તેના ચપ્પુ વડે કાપા પાડી, ગરમ તેલમાં ધીમે તાપે તળી લો. તો તૈયાર છે ઘઉંની મીઠી પૂરી.

(6) ગાંઠીયા બનાવવા માટે: સૌપ્રથમ એક કથરોટમાં બેસન ચાળી લઇ, તેમાં મરચું પાઉડર, હિંગ, હળદર, નમક અને બેકિંગ સોડા ઉમેરી, બધું બરાબર મિક્સ કરી, તેલનું મોણ નાખી, પાણી થી લોટ બાંધો. ત્યારબાદ તેલ વાળા હાથ કરી લોટ ને ગાંઠિયાના સંચામાં ભરી, ગરમ તેલમાં તળી લો. તો તૈયાર છે તીખા ગાંઠિયા.

(7) ચટપટો બનાવવા માટે: 1 કડાઈમાં તેલ ગરમ મૂકી, તેમાં ચોખાના અને મકાઈના પૌવા તેમજ સિંગદાણા તળી લો. હવે તેમાં મરચુ પાઉડર, હળદર, ગરમ મસાલો, હિંગ,આમચૂર પાઉડર, પાઉડર ખાંડ અને સ્વાદ અનુસાર નમક ઉમેરી, વધુ બરાબર હળવેથી મિક્સ કરી, તેમાં તળેલી ચણાની દાળ ઉમેરી હલાવી લો. તૈયાર છે ચટપટો ચેવડો.

(8) મોહનથાળ બનાવવા માટે: 1 કથરોટમાં બેસન લઇ, તેમાં દૂધ ઘી નું મોણ ઉમેરી, ધાબો દઇ, 15-20 રહેવા દો. ત્યારબાદ એક કડાઈમાં ઘી ગરમ મૂકી, ધીમા તાપે લોટ શેકો.તેમાં 1/2 કપ દૂધ ઉમેરી, હલાવી, ગોલ્ડન બ્રાઉન થાય ત્યાં સુધી લોટ શેકો.સાઈડ પર રહેવા દો.1 વાસણ માં ખાંડ ઉમેરી, ખાંડ ડૂબે તેટલું પાણી ઉમેરી બે તારની ચાસણી બનાવી ચાસણીમાં કેસરના તાંતણા તેમજ ઇલાયચી પાઉડર ઉમેરી, શકેલ લોટમાં આ ચાસણી ઉમેરો. બરાબર હલાવી લો.

હવે ઘીથી ગ્રીસ કરેલ ચોકી/થાળીમાં આ મિશ્રણને બરાબર પાથરી, ચપ્પુથી મનપસંદ આકારના પીસ કરી કાજુ બદામની કતરણ અને ગુલાબની પાંખડીઓથી સજાવી સર્વ કરો. તો તૈયાર છે ગુજરાતી ટ્રેડિશનલ મોહનથાળ.

ઉપરોક્ત તૈયાર થયેલ સાતમ ની થાળી ટેસ્ટફૂલ છે, એ પિકનિક માં પણ લઈ જઈ શકાય છે. તો તૈયાર થયેલ થાળીને દહીં, કોથમીરની ગ્રીન ચટણી, કાકડીનું સલાડ, કેરીના ખમણ અને લીલા મરચા સાથે સર્વ કરો.તો તૈયાર છે સાતમ સ્પેશિયલ થાળી.