બટાકાને છોલી મોટા કટકા કરી ફ્લાવર અને વટાણા સાથે કૂકરમાં પાણી નાખી એક સીટી મારી બાફી લેવા અને એની જાતે ઠંડું થવા દેવું. બાફેલા શાકભાજીને પોટેટો મેશર થી મેશ કરી લેવા.

એક પોટમાં તેલ ગરમ કરી એમાં બારીક સમારેલા કાંદા ઉમેરવા. કાંદા હલકા બ્રાઉન કલરના થાય ત્યાં સુધી સાંતળવા. હવે તેમાં આદુ લસણની પેસ્ટ અને કેપ્સિકમ ઉમેરવા. કાંદા બ્રાઉન કલરના થાય ત્યાં સુધી બધું પકાવવું. હવે એમાં પાવભાજીનો મસાલો, લાલ મરચું અને મીઠું ઉમેરી બધું બરાબર મિક્સ કરી લેવું.

હવે ઝીણા સમારેલા ટામેટા અને થોડું પાણી ઉમેરી બધું બરાબર મિક્સ કરીને મીડીયમ તાપે જ્યાં સુધી ટામેટાંથી તેલના છૂટું પડે ત્યાં સુધી થવા દેવું. હવે એમાં મેશ કરેલા શાકભાજી ઉમેરવા. જરૂર મુજબ પાણી ઉમેરી બધું બરાબર હલાવી લેવું. પાવભાજી ને ધીમા તાપે પંદરથી વીસ મિનિટ સુધી ચડવા દેવી. વચ્ચે-વચ્ચે હલાવતા રહેવું જેથી કરીને ચોંટી ના જાય.