સૌપ્રથમ ચણાના લોટનું ખીરું બનાવવા માટે એક તપેલીમાં 1 ચમચો ચણાનો લોટ, એક ચમચી મરચું પાઉડર, 1/4 ચમચી હળદર, 1 ચમચી ધાણાજીરૂ, સ્વાદ મુજબ મીઠું, ચપટી હિંગ, અને જરૂર મુજબ પાણી ઉમેરી ખીરુ બનાવી લો.પછી તેમાં બેકિંગ સોડા ઉમેરો. બેકિંગ સોડા ઉપર ગરમ તેલ એક ચમચી ઉમેરો.અને બધું સરખી રીતે મિક્સ કરી લો.

ત્યારબાદ કારેલા 4 નંગ લઈ તેને સરખી રીતે ધોઈ લો પછી તેની ઉપરની છાલ ઉતારી અને આ રીતે પિક્ચર માં બતાવ્યા મુજબ ગોળ આકારમાં કાપી લો.અંદરથી બીયા કાઢી લો. ત્યારબાદ તેને ચણાના લોટના ખીરામાં ઉમેરી. અને લોયામાં ગરમ તેલ મૂકી તેમાં તળી લો. બદામી રંગ ના થાય ત્યાં સુધી તળો

આવી રીતે બધા જ કારેલા ને તળી લો. ત્યારબાદ કડાઈમાં વઘાર માટે ૨ ચમચા તેલ ઉમેરી 1/4 ચમચી રાઈ, 1 ચમચી જીરૂ, તમાલપત્ર, સૂકું લાલ મરચું, અને હિંગ ઉમેરી વઘાર તૈયાર કરી લો.પછી તળેલા કારેલાના ભજીયા તેમાં ઉમેરો..

ત્યારબાદ તેમાં ફરી થોડું મરચું, હળદર, મીઠું, સ્વાદ મુજબ થોડું થોડુ ઉમેરો... પછી તેને રોટલી, કારેલાનું શીંગ ભજીયા નું શાક, બ્રાઉન રાઈસ, તુવેરની દાળ, ટોમેટો વેફર, અને મસાલા છાશ સાથે સર્વ કરો.....

પછી એને મસ્ત મજાનો ટેસ્ટી અને હેલ્ધી એવું કારેલા રીંગ ભજીયા નું શાક.... જે બાળકો કારેલા ના ખાતા હોય તેને આ રીતે કરી આપવાથી ખુબ જ સરસ લાગે છે અને તે ખાઈ પણ લે છે.... તો તમે પણ ટ્રાય કરજો અને મને જણાવશો.....