રબડી બનાવવા માટે એક કડાઈ મા 750 મીલી (1/2) દૂધ લઇ ગેસ પર ઉકળવા મૂકી દો.ઉભરો આવે એટલે ધીમું રાખી ઉપર ની તર સાઈડ માં ચડાવી દેવી.એવી રીતે ઉકળી ને 1/2 થઈ જાય ત્યાં સુધી જેમ તર વળે એટલે સાઈડ માં કરતું જવું.પછી ખાંડ,ને ઇલાયચી ઉમેરી પછી ગરમ થયજાય ત્યારે ઉતારી લેવું.ઠંડુ પડવા દેવું.

હવે અંગૂર બનાવવા માટે બાકી નું દૂધ એક તપેલી માં ગરમ કરો.ગરમ થઇ જાય એટલે ગેસ બંધ કરી 1 મિનિટ પછી તેમાં લીંબુ ના રસ માં 2 ચમચી પાણી મિક્સ કરી ધીમે ધીમે દૂધ મા ઉમેરો ચમચા વડે હલાવી લેવું.એટલે દૂધ ફાટી ને છેનો તૈયાર થઈ જશે.તેને પાતળા કપડાં માં ગાળી ને પાણી વડે 2 વાર ધોઈ લો.એટલે ખટાસ નીકળી જાય.

એને ખૂબ ફીટ બાંધી ને બધું પાણી નીતરી લેવું.હવે એ છીનું કાઢી ને એક થાળી માં હથેળી થી ખૂબ મસળી લેવું. એમાંથી નાની નાની ગોળી વાળી લેવી.

એક તપેલી મા એક વાટકી ખાંડ લઈ તેમાં 2 ગ્લાસ પાણી ઉમેરી ચાસણી મુકો. ચાસણી ઉકળી ને ઘટ્ટ થાય એટલે તેમાં અંગૂર ઉમેરી ઢાંકી દો. ફૂલ આંચ પર 20 મિનિટ ઉકાળો.થાય જાય પછી બધી અંગુરી બહાર કાઢી ઠંડી થવા દેવી.એકદમ સોફ્ટ બની છે.

હવે દૂધ ઠંડુ થાય જાય એટલે સાઈડ માંથી બધી મલાઈ ના લછછા ઉખેડી ને દૂધ મા મિક્સ કરી દેવા જેથી બહાર જેવી જ લાચ્છા દાર રબડી બનશે.એમાં જાયફડ અને જાવિત્રી ઉમેરી દેવી. અંગૂર બોલ્સ ઠંડા થાય એટલે ઉમેરી દેવા.ઉપર કાજુ બદામ ની કતરણ ઉમેરી ફ્રિઝ માં ઠંડુ કરવા મૂકવું.

તો તૈયાર છે આપણી અંગૂર રબડી.ઠંડી થાય એટલે સર્વીંગ બાઉલ માં કાઢી સર્વ કરો. ખરેખર એકદમ બહાર મળતી હોય એને પણ ભૂલી જાઓ એવી બને છે.એકદમ સ્પોનજી અને સોફ્ટ અંગૂરી..😋👌👍