કાચા કેળા ને ત્રણ ચાર પાણીએ ધોઈ લેવા. તેની છાલ ઉતારી અને તેના રાઉન્ડ શેપમાં જાડા ટુકડા કરવા.

હવે આ કાચા કેળાના ટુકડા ને એક બાઉલ માં નાખી અને તેમાં મીઠું,મરી પાઉડર, ચાટ મસાલા, લાલ મરચાં પાઉડર, લીંબુનો રસ નાખી બરાબર મિક્સ કરી લેવું. 10 મિનિટ માટે મુકી રાખવા. કાચા કેળામાં મીઠુ અને લીંબુને લીધે સોફટનેસ આવશે. મરચાં પણ ધોઈ અને કોરા કરી લેવા. કાચા કેળાના ભજીયા સાથે તળેલા લીલા મરચાં ટેસ્ટી લાગે છે

હવે ચણાના લોટમાં ચોખાનો લોટ એડ કરી તેમાં મીઠું,હળદર,અજમો, આદુની પેસ્ટ, ઝીણા સમારેલા ધાણા એડ કરી અને મિક્સ કરો. જરૂરિયાત મુજબ પાણી નાખી અને ખીરું તૈયાર કરો. હવે એક ફ્રાઈંગ પેનમાં તેલ મૂકો તેલ ગરમ થાય એટલે તેમાં મસાલેદાર કાચા કેળા ના ટુકડા ખીરામાં બોળી અને તેલમાં નાખો. ખીરામાં બોળેલા કેળાના ટુકડા તેલમાં નાખ્યા બાદ ગેસ બિલકુલ ધીમો કરી દેવો. ધીમા તાપે આ ભજીયાને ક્રિસ્પી કરવા. ત્યારબાદ લીલા મરચાં તળી લેવા.આ ક્રિસ્પી ભજીયા ગ્રીન ચટણી સાથે, તથા તળેલા મરચાં સાથે ટેસ્ટી લાગે છે. લીલા મરચાં પણ તળી લેવા.