સૌપ્રથમ કાચા કેળા ને ધોઈને બે ટુકડા કરીને કૂકરમાં બાફી લો.

કેળા ઠંડા થાય એટલે ખમણી લો. પૌંઆ ને ધોઈને પલાળી દો.ખમણેલા કેળાં માં મીઠું,ગરમ મસાલો, ખાંડ, લીંબુ, આદું મરચા ની પેસ્ટ, કોથમીર,બે થી ત્રણ ચમચી મકાઈનો લોટ અને પૌઆ ઉમેરી સારી રીતે મિક્સ કરો.હાથેથી વાળી શકીએ તેવુ તૈયાર કરવું.

સ્ટફીગ માટે પનીરને છીણી તેમાં ચાટ મસાલો, મીઠું, આદું મરચાં ની પેસ્ટ, કોથમીર નાખી તૈયાર કરી‌ લો.

હવે પડ માટે કેળાનો એક લૂવો લઈને તેને હાથથી થપથપાવી નાની પૂરી જેવું કરવું.તેમા તૈયાર કરેલ પનીર ના સ્ટફીગ માંથી થોડું લઈને વચ્ચે મૂકવું અને સારી રીતે પેક કરીને મકાઈના લોટમાં રગદોળીને બધી કટલેસ તૈયાર કરવી.

હવે એક પેનમાં થોડું તેલ મૂકી ને ગરમ થવા દો. તેલ ગરમ થાય એટલે તેમાં તૈયાર કરેલ કટલેસ મૂકી ને બંને બાજુ થી ગુલાબી શેકી લો.