એક બાઉલમાં સાવ પાણી નીતારેલુ જાડુ દહીં લેવાનું છે. તેમાં કાશ્મીરી લાલ મરચું પાઉડર, ધાણા-જીરુ પાઉડર, આમચૂર પાઉડર, શેકેલ જીરુ પાઉડર ઉમેરવાનો છે.

હવે તેમાં સંચળ, મરી પાઉડર, ગરમ મસાલો ઉમેરવાનો છે. તેની સાથે તેમાં આદુ લસણની પેસ્ટ અને મીઠું સ્વાદઅનુસાર ઉમેરવાના છે. બધુ બરાબર મિક્સ કરી લેવાનું છે.

બેસન અથવા ચણાની દાળનો લોટ શેકીને લેવાનો છે. તૈયાર કરેલા દહીના મિક્સચર માં આ લોટ ઉમેરી બધું બરાબર મિક્સ કરી લેવાનું છે.

પનીરના, કેપ્સિકમના અને ડુંગળીના મોટા ટુકડા તૈયાર કરવાના છે.

આ ટુકડાને તૈયાર કરેલા મિક્ચરમાં ઉમેરીને બરાબર રીતે ભેળવી દેવાના છે.

હવે એક સ્ટીક લઈ તેમાં વારાફરતી કેપ્સિકમ, ડુંગળી,પનીર ફરી પાછો કેપ્સિકમ ડુંગળી પનીર એ રીતે સ્ટીકમાં ફીટ કરવાનું છે આ રીતે બધી જ સ્ટીક રેડી કરી લેવાની છે.

હવે એક લોઢી ગેસ પર મૂકી તેના પર તેલ લગાવવાનનુ છે. અને તેના પર આ તૈયાર કરેલી સ્ટીક શેકવાની છે

ચારે તરફ ફેરવતુ જવાનું છે અને બધી બાજુથી શેકી લેવાનું છે.