સવપ્રથમ એક કડાઈમાં થોડું તેલ લઇ સોજી ને શેકી લો. એને બ્રાઉન રંગની થવા દો. ગાજરને છીણીને, ડુંગળી ઝીણી સમારી લો,કેપ્સીકમ તથા ટામેટુ પણ સમારી લો. વટાણા ને બાફી લો. આદુ-લસણની પેસ્ટ બનાવો.

સોજી ને એક બાઉલમાં ઠલવી, હવે કડાઈમાં વઘાર માટે તેલ મૂકી દો.તેલ ગરમ થઈ જાય પછી તેમાં રાઈ,જીરુ, અડદની દાળ, મીઠા,લીમડાના પાનનો વઘાર કરો. તેમાં ડુંગળી નાખો અને સહેજ ગુલાબી રંગની થવા દો. ત્યારબાદ તેમા આદુ મરચાની પેસ્ટ છીણેલું ગાજર, કેપ્સીકમ વટાણા તથા ટામેટા નાખો.

ત્યારબાદ તેમાં હળદર, મીઠું, ધાણાજીરું ઉમેરો. તેને બરાબર હલાવો અને તેમાં જરૂરિયાત મુજબ પાણી નાખો, પાણીને ઉકળવા દો.

પાણી ઉકળી ગયા બાદ તેમાં સોજી ઉમેરી દો અને બરાબર હલાવી દો. પછી ગેસ પરથી ઉતારી લો. ઉપરથી કોથમીર ભભરાવો તૈયાર છે ગરમા ગરમ વેજીટેબલ ઉપમા..!!