સૌ પ્રથમ એક બાઉલ માં ઓટ્સ ઉમેરો ને તેમાં ખાટું દહીં અને થોડું પાણી ઉમેરી બરાબર મિક્સ કરી ખીરું તૈયાર કરો. હવે આ ખીરા ને ઢાંકણ ઢાંકી ને ૧૦ થી ૧૫ મિનિટ માટે રેસ્ટ આપો.

હવે રેસ્ટ કરેલા ખીરા ને બરાબર હલાવી તેમાં છીણેલું ગાજર, ટામેટા જીના સમારેલા, ડુંગળી જીની સમારેલી, કેપ્સીકમ જીના સમારેલા, લીલા મરચાં જીના સમારેલા, આદુ છીણેલું અને લીલી કોથમીર ઉમેરી બરાબર મિક્સ કરી લો.

હવે આમાં બેસન થોડું થોડું કરીને ઉમેરી મિકસ કરી લો. તે પછી આમાં થોડું થોડું પાણી ઉમેરી બરાબર મિક્સ કરી લો.

હવે આમાં ચોખા નો લોટ, મીઠું, કાળા મરી પાઉડર, શેકેલા જીરાનો પાઉડર અને લાલ મરચું પાઉડર ઉમેરી બધું બરાબર મિક્સ કરી લો. ને થોડું પાતળું બેટર બનાવી લો.

હવે એક તવી પર તેલ સ્પ્રેડ કરી તેમાં બનાવેલું બેટર ઉમેરી ચારે બાજુ તેલ સ્પ્રેડ કરી ચીલા બંને બાજુ ગોલ્ડન બ્રાઉન થાય ત્યાં સુધી શેકી લો. આ રીતે બધા ચીલા બનાવી લો.

હવે આપણા હેલ્થી ઓટ્સ ચીલા તૈયાર છે સર્વ કરવા માટે. આ ચીલા ને ટોમેટો કેચઅપ અને મસાલા દહીં સાથે સર્વ કરો.