સૌ પ્રથમ પેનકેક બનાવીશું. એની માટે એક મિક્સર જારમાં સેન્ડવીચ બ્રેડ ને નાના ટુકડા માં કટ કરીને ઉમેરી તેમાં સોજી, લીલા મરચાં, આદુ નો ટૂકડો, દહીં અને પાણી ઉમેરી સ્મુઠ પીસી લઈ બેટર બનાવવું.

હવે આ બેટર માં જીની સમારેલી ડુંગળી, ઝીણા સમારેલા કેપ્સીકમ, જીણું સમારેલું ટામેટું, જીણું સમારેલું ગાજર, ઝીણા સમારેલા ફ્રેન્ચ બીન્સ, મીઠું, રેડ ચીલી ફ્લેક્સ અને ધાણા જીરું પાઉડર ઉમેરી મિક્સ કરો.

હવે આ બેટર માં ઇનો ફ્રુટ સોલ્ટ ઉમેરી ઉપર 1 ચમચી પાણી રેડી એક્ટિવ કરી મિક્સ કરી લો.

હવે એક તવા ને ગરમ કરી તેમાં તેલ ઉમેરી તેલ ગરમ થાય એટલે તવા માં 2 ચમચા બેટર ઉમેરી ને ચારે બાજુ તેલ સ્પ્રેડ કરી ગેસ ની સ્લો આંચ પર ઢાંકણ ઢાંકી 2 મિનિટ શેકી ને બીજી બાજુ ફેરવી 1 મિનિટ માટે શેકી લો. આ રીતે બધા બ્રેડ પેનકેક બનાવી લો.

હવે આપણે આ પેનકેક માટે ઇન્સ્ટન્ટ ચટણી બનાવીશું. એની માટે મિક્સર જારમાં ડેસીકેટેડ કોકોનટ પાઉડર ઉમેરી તેમાં લીલા મરચાં, આદુ નો ટૂકડો, રોસ્ટેડ ચણા દાળ, લીલી કોથમીર ના પાન, મીઠું, લીંબુ નો રસ અને પાણી ઉમેરી ગ્રાઇન્ડ કરી લો.

હવે આપણા બ્રેડ વેજી પેનકેક તૈયાર છે સર્વ કરવા માટે. આ બ્રેડ પેનકેક ને ઇન્સ્ટન્ટ ચટણી સાથે ખાવાની મજા આવે છે. આ પેનકેક સવાર ના બ્રેકફાસ્ટ માટે બેસ્ટ ઓપ્સન છે.