સૌપ્રથમ વિહપિંગ ક્રીમ ને એક મોટા વાસણમાં લઈ ઈલેક્ટ્રીક બીટર ની મદદથી સોફ્ટ પીક આવી જાય ત્યાં સુધી બીટ કરવું. વ્હિસ્ક ની મદદથી પણ બીટ કરી શકાય પણ એમાં ખૂબ જ સમય લાગે છે.

હવે ક્રીમ માં દૂધ, કન્ડેન્સ મિલ્ક અને દળેલી ખાંડ ઉમેરીને વ્હિસ્ક થી બધું બરાબર મિક્સ કરી લેવું. આ મિશ્રણને ઢાંકીને ૩ થી ૪ કલાક માટે ફ્રીઝરમાં રહેવા દેવું.

કોફી અને પાણીને મિક્સ કરી લેવા. હવે ફ્રીઝરમાંથી આઈસ્ક્રીમના બેઝિક મિક્સ ને બહાર કાઢી ફરી એકવાર વ્હિસ્ક ની મદદથી બરાબર મિક્સ કરી લેવું. હવે તેમાં તૈયાર કરેલી કોફી ઉમેરી બરાબર મિક્સ કરી લેવું.

કોફી આઇસક્રીમ ના અડધા મિશ્રણને એક ડબ્બામાં રેડવું. હવે તેના પર કુકીઝ ગોઠવી દેવા. હવે બાકી નું મિશ્રણ રેડી દેવું. બે થી ત્રણ કૂકીઝનો ભૂકો કરીને ઉપર પાથરવું. હવે આ ડબ્બાને આઠથી દસ કલાક માટે અથવા તો જ્યાં સુધી આઈસ્ક્રીમ સેટ થાય ત્યાં સુધી ફ્રીઝરમાં મૂકી રાખવું.