પ્રથમ લોટમાં અડધો કપ દૂધ અને ઘી ગરમ કરી તેનો ધાબો દેવો અને તેને એક બે કલાક રાખી દેવાનો પછી તે લોટને ચાળી લેવા નો.

ત્યારબાદ કડાઈમાં થોડું ઘી મૂકી ગુંદ ને હલકો ગુલાબી રંગ થાય એવો તળી લેવા નો પછી ગુંદ ને અધકચરો ક્રશ કરી લેવો.

પછી ધાબો દીધેલ લોટને ધીમા તાપે 45 મિનિટ સુધી ગોલ્ડન બ્રાઉન થાય અને સરસ સુગંધ આવે ત્યાં સુધી શેકી લેવો.

ખાંડ લઇ તેમાં ખાંડ ડુબે એટલું પાણી ઉમેરી દોઢ થી બે તારની ચાસણી કરવી.

લોટ શેકાઈ જાય એટલે તેમાં તળેલો ગુંદ અડદીયાનો મસાલો :- સૂંઠ પાઉડર, ઈલાયચી પાઉડર એ બધું નાખી મિક્સ કરી લેવું.

પછી ચાસણીને શેકેલ લોટ માં ઉમેરી મિક્સ કરી લેવી.

હવે એક પ્લેટમાં અડદિયા નું મિશ્રણ પાથરી અને સેટ કરવા મૂકી દેવું.

પછી અડદિયા તમને ગમે તેવા આકારમાં વાળીને બનાવી લેવા અને ડ્રાયફ્રુટ્સ થી ગાર્નીશ કરી લેવા. હવે તૈયાર છે આપણી શિયાળાની સ્પેશ્યલ, શક્તિથી ભરપૂર,પ્યોર ઘીથી તરબતર અને ઘણા બધા ડ્રાયફ્રુટ્સ વાળી ગુજરાતી મીઠાઈ અડદિયા પાક.