અડદનો લોટ મોટા વાસણમાં લો.
દૂધ જરા ગરમ કરી તેમાં એક ચમચો ઘી નાંખીને હલાવો.
હવે આ મિશ્રણ ને લોટમાં નાંખો અને બંને હાથ વડે લોટમાં મિલાવો
હવે મોટા લોયામાં ઘી ગરમ કરવા મૂકો.
ગરમ ઘીમાં અડદનો લોટ નાંખી ધીમે ધીમે હલાવો.
ગેસ ધીમો રાખી હલાવવું.
લોટનો કલર એકદમ લાલાશ પડતો થાય એટલે ગેસ બંધ કરવો.

ખાંડ એક તપેલી માં લઇ ખાંડ ડૂબે તેટલું પાણી નાંખી ગેસ પર મુકવું.
એ પણ ધીમા તાપે કરવું
ચાસણી તૈયાર થઇ ગઈ છે એ જોવા માટે જરા ચાસણી લઇ તાર બને છે કે નહી જોવું. તાર તૂટે નહી તેવો બને એટલે ચાસણી તૈયાર.
ચાસણી ને બાજુ પર રાખી દો.

હવે સુકું પીસવાના જાર માં ગુંદ, ફોલેલી ઇલાયચી, તજ,લવિંગ,સુંઠ (નાની કરી ને)નો બારીક ભૂકો કરી લો.
આ ભૂકા ને સેકાયેલા લોટ માં નાંખી દો.
બદામ અને કાજુ ના નાના ટુકડા કરી લોટ માં મિલાવી દ્યો.
છેલ્લે ચાસણી નાંખી ને હલાવો

આ તૈયાર થઇ ગયો અડદિયો…! એને સરસ રીતે વાળી લ્યો. તેને ડબ્બા માં ભરી લો.
ઘરે બનાવેલા અડદિયા નો સ્વાદ અનેરો હોય છે. ખાસ વાત એ કે ઘણા લોકો ગુંદ ને ઘી માં તળીને લોટ માં મિલાવતા હોય છે.પણ તળેલો ગુંદ દાંત માં ચોટે એટલે અહી બધાં મસાલા સાથે ભૂકો કર્યો છે.

અડદિયા ને ગરમ કરી ને પીરસીએ તો તાજે તાજો અડદિયો ખાતા હોય તેવું લાગે છે.અડદિયા ખાઈ ને સ્વાસ્થ્ય સારું કરીએ.