સૌપ્રથમ આખા અડદ અને રાજમાને ૭ થી ૮ કલાક પલાળી લો. ત્યારબાદ તેને એક કૂકરમાં લઈ તેમાં આદુ મરચાની પેસ્ટ અને હિંગ ઉમેરી, જરૂર મુજબ પાણી ઉમેરી દસ થી બાર વીસલ વાગે ત્યાં સુધી બાફી લો.

દાલ બફાય ત્યાં સુધી ડુંગળી સમારી લો અને ટામેટાની પેસ્ટ રેડી રાખો.

એક પેનમાં ઘી અને બટર લઈ તેમાં જીરું,હિંગ,લવિંગ, ઈલાયચી અને તમાલપત્ર ઉમેરી વઘાર થાય એટલે ડુંગળી ઉમેરી સાંતળો. ત્યારબાદ તેમાં ટામેટાની પેસ્ટ ઉમેરો.

આ મિશ્રણ બરાબર ચઢી જાય એટલે તેમાં શેકેલા અધકચરા સૂકા ધાણા, મરચું, હળદર અને ગરમ મસાલો ઉમેરી ઘી છૂટું પડે ત્યાં સુધી શેકો. આખા અડદ બરાબર ચઢી ગયા છે કે નહીં તે ફોટા માં બતાવ્યા અનુસાર ચેક કરો.

હવે દાળ નું મિશ્રણ ઉમેરી જરૂર મુજબ પાણી ઉમેરી મીઠું,કસુરી મેથી ઉમેરો. મલાઈ ઉમેરો. દાળ મખની માં તમે જેટલું વધારે ક્રીમ એડ કરશો એટલી વધારે ક્રીમી અને ટેસ્ટી બનશે સાથે સાથે તેને જેટલી વધારે ઉકાળશો એટલો જ એનો ટેસ્ટ વધારે સારો આવશે. મેં એને અડધો કલાક માટે ઉકાળી છે.

દાળને smokey ઇફેક્ટ આપવા માટે એક કોલસાને ગેસ પર બરાબર ગરમ કરો. ત્યારબાદ તેને એક વાડકીમાં ડુંગળીની છાલ પર મૂકી ઉપરથી ઘી રેડી smokey ઇફેક્ટ આપવા માટે દાલ મખની માં મૂકી થાળી ઢાંકી દો થોડીવાર પછી આ વાઙકી કાઢી લો.

દાલ મખની તૈયાર છે તેને પરાઠા,પાપડ અને ડુંગળી સાથે સર્વ કરો.