ચોખામાં થોડું મીઠું નાખી રાંધીને તૈયાર કરી લો. બધા સબ્જી બારીક સમારીને તૈયાર કરી લો. હવે કડાઈમાં તેલ અને બટર લઈ તેમાં લીલું લસણ ફેરવી અને લીલી ડુંગળી ઉમેરી દો. ત્યારબાદ તેમાં ચીલી ફ્લેક્સ, ડુંગળી, સૂકું લાલ મરચું, તમાલપત્ર ઉમેરી એક મિનિટ માટે હલાવો. ત્યારબાદ ટામેટાં, ગાજર, કોબી, કેપ્સીકમ બધું પાંચ મિનિટ માટે ધીમા તાપે પકાવી લો.

હવે તેમાં ચીલી સોસ, સેજવાન સોસ હળદર, મરચું પાઉડર, ધાણાજીરું પાઉડર, ગરમ મસાલો, પાવભાજી મસાલો અને મીઠું ઉમેરી સારી રીતે મિક્સ કરી લો અને ફરી પાંચ મિનિટ માટે અડધો કપ જેટલું પાણી ઉમેરી પકાવી લો.

નુડલ્સ અને વટાણા આપણે બાફી સાઈડમાં પહેલા તૈયાર કરી લેવાના છે. ત્યારબાદ તેમાં નૂડલ્સ ઉમેરી મિક્સ કરી લો. થોડીવારમાં તેમાં રાઈસ નાખી સારી રીતે મિક્સ કરી લો. હવે તેને ઢાંકીને ૫ મિનિટ માટે પકાવી લો

હવે તમે કોથમીરથી ગાર્નિશ કરી ચક્કા દહીં (હંગ કડ) છાસ અને પાપડ સાથે સર્વ કરો.આ રાઈસ સ્પાયસી અને ચટાકેદાર બને છે.