સૌ પ્રથમ છોલે ને 8-10 કલાક પલાળી પછી કૂકર માં છોલે નાખી ચા ની પોટલી, તજ અને તમાલપત્ર નાખી સહેજ ખારો અને મીઠુ નાખી 4 વિસલ કરી ગેસ બંધ કરી દો.

ડુંગળી, લસણ, આદુ અને મરચાં સમારી મિક્સર માં પેસ્ટ કરો પછી ટામેટા ની પણ પેસ્ટ કરી દો.

નોનસ્ટિક માં તેલ લઇ તેમાં ડુંગળી અને ટામેટા વાળી પેસ્ટ નાખી સાંતડો. પછી તેમાં છોલે મસાલો નાખી મીઠુ નાખી બાફેલા છોલે નાખી છોલે બાફવા જે પાણી લીધું હતું તે પાણી નાખી ઉકડવા દો.એમ કરવા થી કલર ખુબ જ સરસ આવે છે.

પછી તેમાં ફરી થી વઘાર કરો. આ કરવું જરૂરી છે કેમ કે એમ કરવા થી છોલે નો ટેસ્ટ ખુબ જ વધી જાય છે. રેસ્ટોરન્ટ જેવા જ લાગે છે તે માટે તેલ માં સમારેલું સૂકું લસણ, લીલા મરચાં, જીરૂ પાઉડર અને કાશ્મીરી લાલ મરચું નાખી વઘાર છોલે પર રેડી દો.

હવે તેને પૂરી અથવા કુલચા સાથે સર્વ કરો અને ટામેટા - ડુંગળી અને લીલા મરચાં સાથે પીરસો.