એક નોનસ્ટિક પેન લઈ ગેસ ચાલુ કરી ને શીંગદાણા ને શેકી લો. ઠંડા પડે એટલે તેના છોડા કાઢી લો.એ જ પેન માં કાજુ અને બદામ ને પણ શેકી લો અને સાઈડ માં રાખવા.ખજૂર ના ટુકડા કરી લો.

એક ફૂડ પ્રોસેસિંગ જાર માં શેકી ને છોડા કાઢેલ શીંગદાણા,શેકેલા કાજુ અને બદામ લો,તેમાં કોકો પાઉડર ઉમેરી ક્રશ કરી લો પણ એકદમ પાઉડર ન થાય એ ધ્યાન રાખવું.અધકચરું કરો તેમાં કાપેલા ખજૂર ના ટુકડા ઉમેરી ફરી ક્રશ કરો પછી તેમાં ચોકો ચીપ્સ ઉમેરી ને ફરી ક્રશ કરવું. બધું એકસરખું મીક્સ કરવું.

તે મિશ્રણ ને એલુમિનિયમ ફોઈલ લગાવી ને ગ્રીસ કરેલી ટ્રે માં પાથરી દો સ્પેચુલા ની મદદ થી દબાવી દો અને ફ્રીઝ માં ૧ કલાક સેટ કરવા મૂકવું.

એક માઈક્રોવેવ પ્રુફ બાઉલ માં ડાર્ક ચોકલેટ અને બટર લઈ તેને ૧૫ સેકન્ડ માટે માઈક્રોવેવ કરો તેને હલાવી ફરી ૧૫ સેકન્ડ માટે માઈક્રોવેવ કરો.બહાર કાઢી હલાવી એ ને ખજૂર વાળા મિશ્રણ ની ટ્રે માં એકસરખું પાથરી લો.ટેપિંગ કરો પછી તેને ૩૦ મિનિટ માટે ફ્રીઝર માં સેટ થવા મૂકી દો. ટ્રે ને બહાર કાઢી એલુમિનિયમ ફોઈલ માં થી પણ કાઢી લેવું. અને ગમતા શેપ માં કાપી લેવું.

તો તૈયાર છે બધા ને ભાવતા ખજૂર અને નટ્સ ચોકલેટ બાર.