બટાકા ની કુકર માં ૩ થી ૪ સીટી વગાડી ને બાફી લો.ઠંડા પડે એટલે છોલી ને સ્મેશ કરી લો.લીલા વટાણા ને પણ ઉકળતા પાણી માં ચપટી મીઠું અને ખાવા નો સોડા નાખી બાફી લો.

એક કથરોટ માં ઘઉં નો લોટ લઈ તેમાં ૧ ટે. સ્પૂન તેલ અને મીઠું સ્વાદાનુસાર ઉમેરી ને પાણી થી પરાઠા નો લોટ બાંધી લો.

સ્મેશ કરેલા બટાકા અને વટાણા વાળા મિશ્રણ માં વાટેલા આદુ મરચાં,મીઠું, લીંબુ નો રસ,સમારેલું લીલું લસણ,સમારેલા લીલા ધાણા ઉમેરી બરાબર મીક્સ કરી તેના ગોળા વાળી લેવા અને સાઈડ પર રાખવા.

ઘઉં ના લોટ માં થી એકસરખા લુઆ પાડી તેની નાની પૂરી વણી તેમાં બટાકા વાળા મવા ના મિશ્રણ નો ગોળો મૂકી તેને સીલ કરી તેના પરાઠા વણી ને તેલ થી બન્ને સાઈડ શેકી લેવા.