હવે એક મિક્સર જાર લો.તેમાં મરચાં,લસણ,કોથમીર,મીઠું અને લીંબુ નો રસ નાખી ને થોડું પાણી ઉમેરી ને તેની પેસ્ટ બનાવી લો.

હવે એક કડાઈમાં તેલ ગરમ કરો.તેલ ગરમ થાય એટલે તેમાં બનાવેલી પેસ્ટ ઉમેરો.તેમાં હળદર ઉમેરી ને હલાવી લો.હવે તેમાં થોડું પાણી ઉમેરી ને ઉકળવા દો.

બાફેલા બટાકા ની છાલ ઉતારી લો અને તેમાં કાંટા વડે કાના પાડી લો.હવે પેસ્ટ વાળું પાણી ઉકળે એટલે તેમાં બટાકા ઉમેરી લો અને સરખી રીતે હલાવી લો.તેનું પાણી બળી જાય અને પેસ્ટ બધી બટાકા ને ચોંટે તેવી થઈ જાય એટલે નીચે ઉતારી લો.

હવે તેને એક બાઉલ માં લઇ લો.તેની ઉપર આંબલી ની ચટણી,ડુંગળી,સેવ અને કોથમીર નાખી દો.

હવે તેને એક સર્વિંગ પ્લેટ માં લઇ લો અને શેકેલા ભૂંગળા સાથે સર્વ કરો.અમારે શેકેલા ભૂંગળા ના પેકેટ તૈયાર મળે છે. આને ખાવા માટે ચમચી ની જરૂર નથી પડતી કારણ કે તેને ભૂંગળા માં ભેરવી ને જ ખવાય છે.