સો પ્રથમ ફ્લાવર અને બટાકા ને સમારી લેવા. અને ટામેટા ને પણ ઝીણા સમારી લેવા. હવે એક કડાઈમાં તેલ ગરમ કરવા મુકો.

ત્યારબાદ તેમાં ૧ નાની ચમચી જીરું અને હળદર ઉમેરો. હવે તેમાં ઝીણા સમારેલા ટામેટા એડ કરવા. અને થોડીવાર માટે ચડવા દેવું.

ત્યારબાદ તેમાં કસુરી મેથી અને કોથમીર ઉમેરી બરાબર મિક્સ કરો. હવે તેમાં મીઠું લાલ મરચું અને ધાણાજીરું એડ કરી બરાબર મિક્સ કરો.

તેલ‌ છૂટું પડે ત્યાં સુધી ચડવા દેવું. હવે તેમાં ચાટ મસાલો,પાવ ભાજી મસાલો અને છોલે મસાલો ઉમેરી મિક્સ કરો.

હવે તેમાં લીલાં વટાણા એડ કરી ઢાંકણ ઢાંકી થોડી વાર ચઢવા દો. એક કડાઇ માં તેલ ગરમ કરવા મુકો. હવે તેમાં ફ્લાવર અને બટાકાને તળી લો.

ત્યારબાદ તળેલા ફ્લાવર અને બટાકાને ટામેટાની ગ્રેવીમાં એડ કરી બરાબર મિક્સ કરવું. હવે તેમાં થોડું પાણી એડ કરી થોડી વાર ચડવા દો.