સૌપ્રથમ ફ્લાવરને બરાબર ધોઈને તેના પીસ છૂટા પાડો. બટાકા ને પણ છોલી ને તેના પીસ કરી લો. હવે એક કડાઈમાં તેલ મૂકી તેલ ગરમ થાય એટલે ફ્લાવર અને બટાકા તળી લો.

હવે એક કડાઈમાં તેલ લો. તેમાં જીરું અને હિંગ ઉમેરો. ત્યારબાદ તેમાં ઝીણી સમારેલી ડુંગળી ઉમેરીને બરાબર સાંતળી લો. ત્યારબાદ તેમાં આદુની પેસ્ટ અને સમારેલા ટામેટા ઉમેરીને બરાબર સાંતળો. ટામેટા ચઢવા આવે એટલે તેમાં લાલ મરચું,હળદર, ધાણાજીરું,ગરમ મસાલો અને મીઠું ઉમેરીને મિક્સ કરી લો.

થોડીવાર ચઢવા દો જેથી મસાલો બરાબર ચઢી જાય.ત્યારબાદ તેમાં તળેલા ફ્લાવર અને બટાકા ઉમેરીને મિક્સ કરી થોડું પાણી ઉમેરીને પાંચથી સાત મિનિટ ચડવા દો. તેલ છૂટું પડે એટલે કોથમીર ભભરાવી ને મિક્સ કરી લો. આપણું જીરા આલુ ગોબી તૈયાર છે. તેને એક પ્લેટમાં લઈ સર્વ કરો.