સૌ પહેલા લોટ ને ચાળી લો. અને ગેસ પર બાઉલ માં પાણી, પાપડખારો, મીઠું નાખી પાણી ને ઉકાળી લો. અને ઠંડુ પડવા દો.

પાણી ઉકળી જાય એટલે ગરણી થી ગાળી લો. અને દસ્તા વડે મરી ના બે ભાગ કરી અધકચરા વાટી લો. લોટ માં હિંગ, મરી, તેલ, ઉમેરો.

હવે પાણી ઠંડુ પડી જાય એટલે લોટ માં થોડું પાણી ઉમેરતા જાવ અને લોટ બાંધી લો.અડદ નો લોટ ચીકણો હોવાથી લોટ બાંધતી વખતે હાથમા ચોંટશે. પણ નીચેની પ્રોસેસ કરવાથી લોટ એકદમ સ્મૂધ થઈ જશે. અને પાપડ વણતી લોટ વખતે હાથમા કે પાટલી માં ચોટસે નહી.

હવે તમે ફોટા માં જોઈ શકો છો એ રીતે બંને હાથ વડે લોટને ખેંચી ને પ્લાસ્ટિક ની જેમ 10 મિનિટ મસળવાનો છે.(લોટને આ રીતે ખેંચી ને મસળવો એ પણ ખૂબી છે.)આમ કરવાથી પાપડ એકદમ બજાર જેવા ખૂબ જ સોફ્ટ અને ક્રન્ચી બનશે. અને એકસરખા માપ ના લુવા બનાવી લો.

હવે પાટલી ને તેલ થી ગ્રીસ કરી પાતળા પાપડ વણી લો.પાટલી ફેરવતા જવાનું અને પાપડ વણતું જાવાનું (પાપડ નહી ફેરવવાનો નહીંતર પાપડ તૂટી જશે.) બધા પાપડ આ રીતે વણીને વેલણ પર પાપડ રાખી ઘરમાં જ પંખા નીચે સુકવી દો. 2 કલાક પછી ફેરવી દેવાના 4 થી 5 કલાક માં બધા પાપડ સુકાય જશે.

તૈયાર છે આપણા અડદ ના પાપડ.. આ પાપડ ગેસ પર લોઢી માં શેકીને, અથવા તળીને, જમવાની થાળીમાં સર્વ કરી શકો છો..

મે અહીં મનપસંદ રીતે થોડા કાચા પાપડ, અને થોડા શેકેલા પાપડ ડેકોરેટ કર્યા છે..