સૌપ્રથમ ભીંડા સમારી લો અને પેસ્ટ માટેની સામગ્રી તૈયાર કરી લો. પેસ્ટ ના મસાલામાં પાણી નાખી તેને હલાવીને મિક્સ કરી લો.

એક પેનમાં તેલ ગરમ કરવા માટે રાખો તેલ ગરમ થયા બાદ તેમાં ભીંડા નાંખી અને તળી લો. ભીંડા તળાઈ ગયા બાદ તેને બહાર કાઢી લો અને તે જ તેલમાં હિંગનો વઘાર કરી તેમાં ડુંગળી સાંતળવા માટે રાખો અને તેને થોડી થોડી વારે હલાવો બાજુમાં ડુંગળી લીલા મરચા આદુ ની પેસ્ટ તૈયાર કરી લો.

ડુંગળી ચઢી ગયા બાદ તેમાં ટામેટાની પેસ્ટ નાખી તેને હલાવી અને બે મિનિટ માટે તેને ઉકળવા દો ત્યારબાદ તેમાં ભીંડા ઉમેરો અને તેને ચડવા દો. ભીંડા ચઢી ગયા બાદ તેમાં ચણાના લોટ અને મસાલાવાળી પેસ્ટ ઉમેરી હલાવી દો ત્યાર બાદ તેમાં દહીં અને કાજુનો ભૂકો ઉમેરો અને તેને મિક્સ કરી અને બે મિનિટ માટે ઢાંકી ધીમા ગેસ પર ચડવા દો.