સૌપ્રથમ ભીંડા ને ધોઈ કોરા કરી ને અને લાંબા લાંબા સમારી લેવા.

એક બાઉલમાં ભીંડા નાખી તેમાં ચણાનો લોટ મીઠું હળદર લાલ મરચું પાઉડર ધાણાજીરુ બધી જ સામગ્રી નાખી ને મિક્સ કરી લો.

એક પેનમાં ૩ ચમચી તેલ ગરમ કરવા મૂકવું તેલ ગરમ થાય એટલે તેમાં ભીંડા નાખી દેવા. અને મિક્સ કરી લેવું. ૩/૪ મીનીટ સુધી સાંતળી લેવા. ઢાંકણ ઢાંકી દેવું ધીમા તાપે ચડવા દેવા.ચડી જાય એટલે ગેસ બંધ કરી દેવો.

ટામેટાં ને મિક્સર જારમાં ક્રશ કરી લેવા ડુંગળી ને જીણી સમારી લેવી.

બીજી પેનમાં ૩ ચમચી તેલ ગરમ કરવા મૂકવું તેલ ગરમ થાય એટલે તેમાં રાઈ મેથી જીરું હિંગ અને સૂકા લાલ મરચાં નાખી દેવા ત્યારબાદ તેમાં જીણી સમારેલી ડુંગળી નાખી દેવી.

ડુંગળી માં મીઠું નાખી દેવું પછી તેમાં આદુ મરચા અને લસણની પેસ્ટ નાખી મિક્સ કરી લો. ત્યારબાદ તેમાં ક્રશ કરેલા ટામેટાં 🍅 નાખી અને બધા મસાલા નાખી ને ગ્રેવી ને ઉકળવા દેવી.

ગ્રેવી માં થી તેલ છૂટું પડે એટલે તેમાં એક વાટકી દહીં નાખવું અને સતત હલાવતા રહેવું જેથી કરીને દહીં ફાટે નહીં.
ત્યારબાદ તેમાં સાંતળેલા ભીંડા મિક્સ કરી દેવા સરસ રીતે મિક્સ કરી લેવું અને ૨/૩ મીનીટ સુધી થવા દેવું.