પરવળ ને ધોઈ તેની છાલ ઉતારી લેવાની તેને સમારી તેમાંથી બીયા કાઢી તેને ઊભા ચીરીયા કરી દેવાના.

ડુંગળીને પણ સમારી તેના ઉભા ચીરીયા કરી દેવાના.એક ડીશમાં ચણાનો લોટ લઇ તેની અંદર મીઠું, હળદર,મરચું ભૂકો, ધાણાજીરું, ખાંડ, થોડું તેલ નાખી તેને બરાબર મિક્સ કરી દેવાનું.

એક વાટકા મા તેલ મુકી તેની અંદર રાઈ હિંગ હળદર નાખી શાકને વઘારી દેવા નું. મીઠું ઉમેરી તેને થોડીવાર માટે થવા દેવાનું. પાણી બિલકુલ રહેવું ન જોઈએ. સાઈડ માં થી તેલ છૂટે એટલે તેમાં ચણાનો લોટ પાથરી દેવાનો.

થોડી થોડી વારે શાક ને તાવેથા થી હલાવવાનું. લોટ બરાબર શેકાઈ જાય કેસરિયા કલરનું થઈ જાય વાટકા માથી છૂટું પડે એટલે ગેસ બંધ કરી દેવાનો. સર્વ કરવાનું.