સહુ પ્રથમ કેરી ધોઈને લૂછી તેની છાલ કાઢી નાના ચોરસ ટુકડા કરી લો.
હવે કેરી ના ટુકડા મા હળદર મીઠું નાખીને ચમચા થી હલાવી મિક્સ કરીને
આખી રાત ઢાંકીને રાખી દો.

બીજા દિવસે કેરીને ચારણી મા કાઢીને તેમાથી પાણી એક વાસણ મા નિતારી
લો. આ પાણી ને તમે કાચની બોટલમા ભરીને ફ્રીજમાં સ્ટોર કરી શકો છો.
કેરીના ટુકડાઓ ને સાફ કપડા પર પંખા નીચે સૂકાવા મૂકી દો.
સાત થી આઠ કલાકમાં સુકાઈ જાય છે.ભેજ ના રહેવો જોવે.

હવે ગોળકેરીનો મુખ્ય આધારસ્તંભ એવા સંભાર બનાવી લઈએ,
બધા જ કુરિયા સરખી રીતે સાફ કરી વીણી લેવા,કચરો ના રહે,
દરેક કુરિયા વારાફરતી એક એક મિનિટ માટે જ સેકી લેવા,બહુ નહીં,
માત્ર ભેજ જ દૂર કરવા માટે સેકવાના છે,
પછી મિક્સર માં વારાફરતી બધા કુરિયા બે-બે સેકન્ડ માટે ફેરવી લેવા
જેથી અધકચરા ભૂકો થઇ જાય અને તેનાથી સ્વાદ પણ વધુ સારો આવે,

હવે એક તપેલીમાં તેલ ગરમ મુકો,તેલ ધુમાડા નીકળે એટલું ગરમ કરવું,
ગેસ બન્દ કરી તેમાં ત્રણેય કુરિયા,મીઠું નાખી છીબું ઢાંકી દેવું,
બે મિનિટ પછી વરિયાળી,હળદર,હિંગ,ધાણી,મરી,સૂકા મરચા નાખી
ફરી ઢાંકી દેવું,સરખું હલાવીને જ ઢાંકી દેવું,
થોડીવાર રહી ઢાંકણ કાઢી લેવું અને સંભાર ઠંડો થવા દેવો,
સંભાર થનડો થાય પછી તેમાં મરચું ઉમેરવું,સરખું હલાવી લેવું,
ખારેકના ટુકડા,કોપરાની ચિપ્સ અને ગાજરની સૂકવેલી છીણ ઉમેરી દેવી.
આ બધું ઉમેરવાથી ગોળકેરીનો રસો ખુબ જ સ્વાદિષ્ટ બને છે.

હું ગોળકેરી હમેશા પાયો લઇ ને કરું છુંજેથી પાણી ના છૂટે,
ઘણીવાર ગોળ ખરાબ હોય કે વાતાવરણ કે બીજા કોઈ કારણસર ગોળકેરીમાં
પાણી થઇ જતું હોય છે,અને બધી જ મહેનત પર પાણી ફરી વળે છે,
એક કડાઈમાં એક ચમચી તેલ મૂકી તેમાં ઝીણો સમારેલો ગોળ નાખો
ગોળ ઓગળે એટલું જ ગરમ કરવું,વધુ નહીં,માત્ર ગોળ ઓગળે એટલું જ
ગરમ થાય એટલે ગેસ બન્દ કરી દેવો,અને સહેજ તહન્દુ પડે એટલે
સંભારનો મસાલો ભેળવી દેવો.ખુબ સરખી રીતે બધું હલાવી મિક્સ કરી લેવું,
સીધો ગોળ પણ ભેળવી શકાય છે,પણ તે બગડી જવાની બીક લાગે છે.