એક બાઉલમાં માવો લઈને બરાબર મસળી લેવો. હવે પનીર છીણીને લેવો, મેંદો,દુધ નો પાઉડર નાખી બરાબર મિક્સ કરો. હવે માવો ઉમેરી ને બરાબર મિક્સ કરી લોટ બાંધી લેવો.

હવે બાંધેલા લોટમાંથી બે ચમચા જેટલો માવો અલગ કરી લેવો, એમાં ડ્રાયફ્રૂટ્સ અને કેસરવાળું દૂધ ઉમેરી મિક્સ કરી ને 50 ગોળી વાળી લેવા.

હવે વધેલા માવાના પણ પચાસ ગોળા વાળી લેવા, હથેળીથી દબાવીને પૂરી જેવું કરી લેવું તેમાં નાના ગોળી મૂકી અને બરાબર ભરી લેવું પછી મનગમતા આકાર આપી દેવા.

એક ઊંડા વાસણમાં ખાંડ અને પાણી ઉમેરી ચાસણીને મીડીયમ આંચ પર ૮ થી ૧૦ મિનિટ થવા દેવી પછી ઇલાયચી ઉમેરી એક મિનિટ થવા દેવું અને ઉતારી લેવું. હવે એક કડાઈમાં ઘી ગરમ કરો મીડીયમ થી ધીમી આંચ પર જામુન થોડો કાળો રંગ થાય ત્યાં સુધી તળી લો. હવે ચામુંડ ને બે કલાક સુધી ચાસણીમાં ડૂબાડી રાખો, પછી સર્વ કરો.