એક નોનસ્ટિક પેનમાં ઘી લઈ ગરમ થાય એટલે તેમાં દૂધ અને ક્રીમ ઉમેરી હલાવવું પછી તેમાં મિલ્કપાવડર ઉમેરી મીક્સ કરી હલાવતા રહેવું ગઠ્ઠા ના પડે એ ધ્યાન રાખવું ધીમા ગેસે સતત હલાવતા રહેવું ઘટ્ટ થાય અને પેન થી છુટુ પડે ત્યાં સુધી થવા દેવું સ્મૂથ લોટ થઈ જાય એટલે ઈન્સ્ટન્ટ માવો તૈયાર તેને બાઉલ માં કાઢી સાઈડ પર રાખવો.

એક બાઉલ માં પનીર લઈ તેને હાથ થી મેશ કરી તેમાં ઉપર તૈયાર કરેલો માવો ઉમેરી હાથ થી બરાબર મીક્સ કરી મેંદો ઉમેરી હથેળી થી મસળી તેમાં બેકિંગ સોડા અને જરૂર મુજબ દૂધ ઉમેરી મસળી ને લોટ બાંધી લેવો.

એક નાના બાઉલ માં લોટ માંથી ૨ ટે. સ્પૂન જેટલો લઈ તેમાં કાજુ,બદામ,પીસ્તા ની કતરણ દૂધ માં ઓગાળેલું કેસર અને ઈલાયચી પાઉડર ઉમેરી મીક્સ કરી તેમાં થી એક સરખા ૧૦ નાના બોલ બનાવી લેવા.

કાલા જામુન બનાવવા માટે તૈયાર કરેલ બાકી ના લોટ માં થી એકસરખા મોટા લુઆ પાડી તેના બોલ બનાવી લો.એક બોલ ને હાથ માં લઈ હથેળી માં થેપી તેમાં વચ્ચે સ્ટફિંગ વાળો નાનો બોલ મૂકી બધી બાજુ થી સીલ ને ગોળ બોલ બનાવી લેવો એ જ રીતે બધા બોલ તૈયાર કરવા.

એક કડાઈ માં ઘી લઈ ગેસ ચાલુ ઘી ગરમ થાય એટલે તેમાં તૈયાર કરેલા જામુન ધીમા તાપે ગોલ્ડન બ્રાઉન કલર(કાળા) ના તળી ને તેને ગરમ ચાસણી માં નાંખી ને ૧ કલાક રહેવા દેવા.પછી બાઉલ માં કાઢી સર્વ કરવા.તો તૈયાર છે કાલા જામુન.